Beñat Cachenaut herriko auzapezak, kontseilukoekin batean, egin dute urteko agiantza gaua, jende multxo ederraren aitzinean. Etorriak zirela: M. Brisson, F. Espagnac eta D. Saint-Pée senatoreak, I. Etchaniz deputatua, A. M. Bruthé kontseilari orokorra, A. Sainte-Marie lurraldeko kontseilaria eta jendarmeriako buruzagiak (barka huts eginetaz).

Ongietorrian auzapezak oro eskertu ditu, plazer zuela eritasunagatik moztuak izanik, berriz elgarretaratzea: “Ez gaiten hein hortan bara, baina goazen aitzina berehala egin lanen berri emanez, Iholdin ez baigira geldirik egon. Ikusiz nola prezioak goiti doatzin, sekulan baino gehiago zuen diru laguntzaren beharra baitugu” zioen hautetsieri buruz. Segitzen zuela: “egin guziekin, ez gaude geldirik, badugu oraino zer egin: trinketa neurrietan ezarri behar dugu, garbitzeko tokiak barne eta squach bat hutsik dagon muturrean, teilatuan oraiko iduzki berogailuz egina izan da. Zikin biltegi berriak eginak dira, etxetarako seinaleak egun guti barne, bideak ez dira ahantziak. 7.800 euro aro gaixtoak egin makurrentzat baliatuz, Herri Elkargoak etxetarako uren kurridak berritu ditu, 500.000 euro, nun Antzugaraiko kartierrean baliatu baigira denbora berean elektrika harien lurperatzeko. Proiektu handi bat badaukagu aintzira inguruan, ageriko laguntzak zer neurrikoak izanen diren. Horien gainera eginak ere segitu behar dira, hortakoz zueri itzultzen naiz jaun-andere hautetsiak, gure herri ttipiek nahi badute bizi, behar dute lehenik gaztek egoiteko enbaia ukan, hortakoz bizitegi eta lantokiak ukan laborantxa barne. Kasu egin zazue zer lege bozkatzen duzuen”. Bururatzean eskertu ditu Iholdiko elkarte guziak, egin lanari esker baita herrian mugimendu, orori urte berri ona desiratuz, erretira etxekoak barne. Pilotan urtean zehar medaila edo xapelketa titulua ukanak sariztatu ditu. Nesketan Acheritogaray Nahia eta Elena, Barberarena Ermine, Etchart Ibaia. Mutikoetan Sallaberry Paul eta Franchistegy Yannide. Zintzur bustitze baikor batez gaualdia bururatu da.