Herriz Herri - Ortzaize (NB) | 2023ko Urtarrilaren 19a
Menta liburu dendan - Heriotze - Ikastola: bertsu afaria
Menta liburu dendan
Heldu den asteazkenean, urtarrilaren 25ean (18:30), Xan Errotabehere hor izanen da “Hitza hezi, bihotza hazi” bere ipuin liburuaren aurkezteko.
Heriotze
Aste huntan ere heriotze bat badugu herrian: Mendi Aldeko Germaine Minaberry, sortzez Iribarren zendu da 87 urtetan. Hunen ehorzketak astearte arratsaldean iragan dira, Ortzaizeko elizan. Gure doluminak eskaintzen ditugu bere familiari.
Ikastolaren bertsu afaria
Ortzaizeko ikastolak bertsu afaria antolatzen du, urtarrilaren 28an, Suhuskuneko herriko gelan. Sustrai Colina eta Jon Maia bertsulariak ariko dira Irisarriko bertsu eskolako gazteek asmatu eta emanen dituzten gaietan. Jan aitzineko edariak izanen dira (19:00) eta afaria tenorez xuxen hasiko da (21:00). Afaria eta bertsu saioa 30 eurotan izanen da. Izenak aitzinetik eman behar dira deituz zenbaki huntarat: 06-82-15-65-14.
