Saint Bernard eskolaren ate idekitze kari: ofizioen forua

Saint Bernard eskolak urtarrilaren 28an (9:00-12:00) ofizioen forua antolatzen du. Egun horren xedea da lan munduaren ezagutaraztea. Lanbide desberdinak deskubritzeko parada emana da: natura eta ingurumena, energia, osasuna, artea eta sorkuntza, komunikazioa, eraikuntza, justizia, kirola, hezkuntza eta beste. Arlo horietako profesionalak hor izanen dira.

Han berean konferentzia antolatua da (9:30-11:00), hainbat lizeoetako zuzendariek sare orokor eta teknikoen abantailak azalduko dituzte, edozeinek parte har lezake.

Baionan Kantuz

Baionan Kantuz-ek heldu den larunbatean, urtarrilaren 28an, urte berriko agiantzak kantatuz ospatuko ditu (11:00), 25 urte hauetan egiten duenaren segidan. Urteko lehena izanen den huntan kantu berri bat estreinatua izanen da, 1984an Baionan Kantuz gidatzen duen Jakes Dassance hiriburutarrak, Didier Laffitte militantearen herioaren kari idatzi “Arrantzale maitagarri”, Eneko Labegueriek musikatua eta Guk taldeak kantatua.

Zizpa gaztetxeak 7 urte

Zizpa Gaztetxearen urteurrena kari, urtarrilaren 28an egun osoko egitaraua prestatua du. Biltxokon bertsu bazkaria proposatua da, Joanes Illarregi eta Alaia Martin bertsulariek animaturik (13:00). Poteo alaitu batek hartuko du segida, gaztetxean kontzertuekin bururatuko dena.