Ate idekiak ikastolan

Beste ikastola guziek bezala Ezkia ikastolak bere ateak idekiko ditu martxoaren 4an, larunbat goizez. Erakasle eta burasoak hor izanen dira eskola horren aurkezteko eta bakotxak ukan ditzakeen galdeeri erantzuteko. Hitzordua hartzea hobe da 07-48-61-23-14 telefonora deituz edo ezkia.zuzendaritza@gmail.com helbidera idatziz.

Konferentzia Fablabean

"Transmisio historikoa" (18:30), martxoaren 4an, larunbatean.

"1960tik hona Euskalgintza eta Kulturgintzaren antolaketa Ipar Euskal Herrian".

Euskalgintza 3 sailetan banatua izanen da: hizkuntza, irakaskuntza eta komunikazioa. Kulturgintza aldiz bi sailetan: zientziak eta arteak. Hitzaldia euskaraz eginen da, bat-bateko frantses itzulpenarekin. Konferentzia Txomin Heguyk emanen du. Euskal Kultur Erakundearen lehen lehendakaria izana da, (1990À¢Æ''1997) bainan ere erakasle, antzerkilari eta formatzaile.

Konferentzia hau deneri idekia da, gune berria den Fablabean.

Loto

Martxoaren 5ean igandez, lehen aldikoz, Jean Verdun eskolako burasoek Loto bat antolatzen dute Mendeala gelan. Harat sartzen ahalko da 14:00etatik goiti eta jokoa 15:00etan hasiko da. Zernahi gauza irabaz daiteke: bizikleta elektriko, telebista... eta beste. Haurrendako sail berezi bat antolatua da eta bistan dena tokian berean jan eta edaten ahalko da.

Bethi gazte elkartea

Adinekoen elkartea da eta bide seguritateaz berri emaiteko arratsalde bat antolatzen du, martxoaren 7an (14:30), Elgar zentroan, Emile Lavigne gelan. Alabainan gero eta jende gehiago bada bide gainean eta ibilmoldeak, legeak doi bat aldatzen dira. Artetan horietaz berri hartzea ez dela kalte pentsatzen dute elkartekoek eta gomita hau luzatzen dute gogoa freskatu nahi duteneri. Izena eman behar da 05 -59-70-29-07 herriko Sozial Zentroko zenbakira deituz.

Libertimendua

Bestalde oraindanik jakin behar da Libertimendua izanen dela Hazparnen martxoaren 11n, larunbat goizez. Xehetasunak heldu den astean emanen ditugu, bainan eguna gogoan atxik, memento berezi eta gustagarri horren ikusteko gisan. Jaz loriatu ginen, dudarik gabe aurten ere berdin izanen da.