Suhiltzaileak

Urtarril oroz, suhiltzaileek iragan urtearen bilduma egiten dute, haien lan eremuko auzapezen aitzinean besteak beste. Michel Dorregaray zentroaren buruzagiak erran du jaz interbentzioak emendatu direla: 579 izan dira, 2021ean baino 18 gehiago. Sokorri emaileak 61 aldiz joan dira haien eremutik kanpo. Bestalde Gironde eskualdean gertatu diren suteen kontra borrokatu dira, hemengo bederatzi suhiltzaile.

Pierre Dorregaray eta Jérémi Irigoin kaporal izendatu dira eta Michel Franscecena kaporal chef. Pierre Irola ohoratu da zentroari eman dizkion 30 urteentzat. Joan den urtean departamenduko kongresuaren antolatzea ere eskertu da.

Erran gabe doa auzapez andereak goraipatu duela suhiltzaile izaiteak galdegiten duen engaiamendu handia, hunek bizi pertsonalean ondorioak dituelako.

Izpindar

Izpindar batasunak, ingurumenaren zainketaz eta energia berriztagarrietaz berri eman nahi du. Gisa hortan urtarrilaren 28an, Zelaiko Denen Etxean (9:30) elgarretaratze bat proposatzen du. Elgarretaratze horrek, gorago aipatu gaiez axola dutenak bildu nahi ditu. Huna egunaren egitaraua:

- Elgarretaratzea (9:30).

- Taldeen eta bakotxaren proiektuen aurkezpena (10:00).

- Nola egin egunerokoan, norberak edo kolektiboki karbono arrastoa ttipitzeko, xahutze molde handienetaz ohartuz besteak beste (11:00).

- Izpindar-aren estreina eta komiki zoin-gehiagokaren abiatzea (12:00).

- Bazkaria (12:30).

-Klimaren freskoaren egitea (14:00→17:00).

Ekintzara pasatzeko gogoetatu nahi duen orori idekia.

“Les engagés” filma

Urtarrilaren 28an larunbatarekin, Haritz Barne zinegelan (20:30), “Les engagés” filma erakutsiko da. Ondotik, eztabaida Bidekoekin elkarteak animaturik.

Filma: Briançoneko bidean Danielen autoak poliziak lasterkatzen duen etorkin gazte bat joiten du. Davidek gaztea aterpetzen du eta laguntzen.

Filmaren ondotik etorkineri elkartasuna erakutsi nahian sortu den Hazparneko Bidekoekin elkarteak, hurbilduko den jendea bi gogoeta partikatzera gomitatuko du. Engaiamendu mota horrek zer erran nahi du, nun daude dudak eta oztopoak, ongietorria nola egin… Migrazioa beti izan da eta beti izanen. Kanpotik etorria gizatasunez errezebitzea ez da delitua. Ongietorria publiko zabalenari.

Hiri erdia obretan

Eliza inguruetan obrek segitzen dute.