Merkatal eta Industria Ganbarak 2022ko portuaren trafikoaren berri eman du. Jaz portuaren trafikoa azkarki hunkia izan da, errusiar-ukrainar gerlarengatik, Itsaso Beltzetik hasia zen trafiko berria bat-batean gelditu zelako eta bigarrenik energia krisiagatik.

Faktore hauen konbinazioak Baionako portuan egin tonen beherakada adierazgarria eta ez ustekoa izan da, 2021eko urteari konparatuz %15,11 gutiago izan baita. Ukrainako portuen hesteak eta Errusiako merkatuetako tirabirek Baionako portuko zenbait eragile, ongarriak, altzairuak eta hidrokarburoak bereziki, hornitzaile berriak aurkitzera behartu ditu. Eskaintzaren eta galdearen arteko desoreka bati aurre egin behar ukan du. Horrez gain, merkatuetan kantitateen apaltzeak eta erosketa kostuen goratze masiboak, portutik ateratzen diren trafiko bolumenak murriztea inposatu dute. Fenomeno egoera zail hori oraino damugarriagoa da, urte hastapenean Errusiatik zuzenean altzairu trafiko berria Baionara etortzen hasia baitzen. Ondorioz, portuan urtero 150 tona gehiago ukaitea espero zen.

Gainera, energiaren prezioaren emendatzeak anitz traba ekarri ditu, bezero industrial batzuen produkzioa gelditzera arte. Baionako portuan Celsa altzairutegiaren bolumenak %24 apaldu dira (-187 tona), ongarri inportazioak %30 (-130 tona) eta hidrokarburo finduen bolumenak %40 (-94 tona). Beste ohiko trafikoa, aldakuntza batzuekin atxikia izan da.

Proiektu berrietarako lagungarri ez den klima berezi kezkagarri huntan, Baionako portuak, bere historian lehen aldiko errezebitu du tokiko industrial bati zuzendutako arto inportatua.

2022an Frantzia eta hego-mendebaldea jo dituen idorteak esplikatzen ditu fluxuen aldaketa horiek, ziklikoak dira zalantzarik gabe. 2022. urtean, trafiko aldaketa markatu da, fenomeno zikliko eta ez estruktural baten ondorio zuzenak direnak. Horregatik, Baionako portuak etorkizunean segur jarraitzen du eta datozen urteetan trafiko dinamikoa berreskuratzeko baldintzak jartzeko lanean ari da. Lehenik dagoen trafikoa sendotzean eta berrien garapenean oinarritzen da.

30 milioi euroko inbertsio publikoa

Akitania Berria eta Baionako Merkataritza eta Industria Ganberak, elkarrekin inbertitzeko lanak eramaiten dituzte, portuko erabiltzaileentzat tresnak eta azpiegiturak modernizatzeko xedez.

Batez ere, Angelu Blancpignon terminalean, nun portuak 2022-2024rako inbertsio programa zabala eta asmo handia baieztatzen dituen:

- Hiru hangar zaharren desegitea, 5.000 m²-ko biltegiratze optimizatu berria eraikitzen hasteko.

- Castel kaiaren eremua doblatzea, Gommes kaian hektarea bat handitzea eta trenbide berriak zabaltzea, itsasontzi handienak Baionako portuan sartzeko gisan. Kaian bi itsasontzi handi aldi berean maneiatzea bermatzen ahalko du eta trenez lurreko transferentzia modua optimizatu.

Azkenik, 2022an Baionako “Manutention Portuaire” enpresak 4.000 m²-ko biltegi pribatu berria martxan jarri du eta 2023an “Silos de l'Adour” eremuan handitzeko programa balioztatuko da, 3.100 m²-ko biltegi gehigarriarekin.