Herriko kontseiluko bilkura

Martxoaren 15ean (19:00), asteazkenarekin herriko kontseiluko bilkura iraganen da, Bil Toki gelan. Aipatuko diren gaiak: 2022ko abenduaren 19ko herriko kontseiluaren aktaren onarpena.

- Hautetsien urteko sarien zerrenda laburbildua.

- Larrungo mediateken sarea: karta bakarraren proiekturako sareko kide diren Herriko Etxeen arteko finantza partaidetzako hitzarmena.

- Artzaintzari buruzko diagnostikoa, elkartze-hitzarmena eta eskaera bateratua (2022ko irailaren 19ko deliberoaren osagarria).

- Euskal Elkargoko elkar arteko zerbitzuari atxikitzea, helbideratzea eguneratzen laguntzeko.

- Estatuarekin Sozialeko Aniztasun Hitzarmenaren izenpetzea.

- Azkaine, Ziburu eta Donibane Lohizuneko herriarteko "natura-gune minbera" baten sortzea.

- 2022ko ontasun eroste eta saltzeen bilana.

- 2022ko ekitaldiko kudeaketaren bilanaren onarpena: herriaren buxet orokorra.

- 2022ko ekitaldiko kudeaketaren bilanaren onarpena: Zubiondoko buxet erantsia.

- 2022ko kontu administratiboa: herriaren buxet orokorra.

- 2022ko kontu administratiboa. Zubiondoko buxet erantsia.

- 2022ko ekitaldiko emaitzen esleipena: herriaren buxet orokorra.

- 2023ko aitzinkontuen norabideen eztabaida.

- M57 nomenklatura.

- Aurrekontu eta finantza araudia.

- Amortizazio molde.

- “TSP Euskal Herria Egokitzea” izendatutako Tokiko Sozietate Publiko baten sortzea.

- Herriko kontseiluko ordezkarien txostenen aurkezpena auzapezari.

B.L.E.ren bilkura

Martxoaren 21ean Biharko Lurraren Elkarteak eta Azkaingo Herriko Etxeak bilkura antolatzen dute kontseilu gelan (19:00), denei idekia. Bilkura horren helburua da etxean haziak egiten dituzten baratzezainak ezagutzea, hemengo lurraldeari egokituak diren landareen haziak eskuratzea, trukatzea, bakoitzak duen jakitatea partekatzea elgarren gandik ikasteko. Bertzalde B.L.E. elkartea urrats batzuk ematen hasia denez Iparraldean “Hazien etxea” sortzeko, interesgarria litzateke hazi egileek proiektu hortan parte hartzen balute. Biharko Lurraren Elkartea hobeto ezagutzekobada: ble-civambio.eus, xehetasun gehiagorentzat deitu Manon Mercier 06-27-13-32-32.

Sorospen ikastaldi

Azkaingo zerbitzu sozialak, Azkaingo adineko pertsonei egun erdi bat eskaintzen die lehen sorospen keinuak ikasteko. Apirilaren 3an iraganen da (14:30-17:00). Ikusiko da ondoeza, trauma, erorketa, desfibriladorearen manipulazioa nola kudeatu. Izena ematen ahal da 05-59-54-68-37 telefono zenbakira deituz. Jakin behar da 12 pertsonentzat izanen dela lekua.

Mus Serresen

Martxoaren 31n, ortziralea, mus txapelketa antolatua da Serreseko kapera xoragarrian (19:30). Izen emaiteak aitzinetik egiten dira: telefonoz 06-20-57-26-84, mailez felixblot@yahoo.fr edo Facebook-en bidez. Txapelketa hasi baino oren bat lehenago hurbiltzen ahalko da (18:30). Bertan taloak eta edateko izanen dira salgai! Izen emaitea 10€ bakoitza. Saria 100€