Euskara eta euskal dantzak ikasi eta trebatzeko aukera, hori da Argentinako Tandilgo Euskal Etxetik Unai Hernandez Minaberry gazteak luzatzen duen deia eta eskea. Dagoeneko aski trebea da euskal dantzetan eta euskara kontuetan ere poliki hasia da, izan ere erraintsa eta giroa etxean baititu, Carolina bere ama euskara irakaslea izanik; euskarak eta euskal kulturak denbora dezente hartzen dute bi belaunaldiz erreferentzia Argentina ukan duen familia euskal-argentinar huntan, Euskal Herriko erroak bereziki Ortzaizen ezarririk. Baina orain arte euskal etxe eta euskal dantza talde bateko parte hazi izanak, Argentinan, horrexek, gehiago galdegin dio Unairi, urrats berrien ematea, eta Euskal Herrira etorririk bertan ikasi eta praktikatzea: euskara eta probintzia bakoitzeko dantzak.

"Kaixo. Nire izena Unai Hernández Minaberry da eta 17 urte dauzkat. Baionan jaio nintzen baina Argentinan bizi naiz urte bat nuenetik. Tandilgo euskal etxearen dantza taldean dantzatzen dut txikia nintzenetik eta euskal kultura eta hizkuntza asko interesatzen zaizkit, honegatik, Euskal Herriko probintzia bakoitzetako dantza tipikoak ikastea eta hobetzea gustatuko litzaizkidake. Hau lortzeko, Euskal Herrira bidaia egitea eta hilabete batzuk egotea da nire asmoa. Guzti hau, gero, Argentinara etorriko nintzenean, Argentinako euskal dantza taldeei irakasteko eta partekatzeko ikasitakoa".

Bere hitzak dira, eta argi eta garbi erakusten dute bere xedea. 2024an, 18 urte dituela, Euskal Herrira etorri eta hilabete batzuk pasatu nahi lituzte euskal dantzak eta kultura maite dituzten etxe euskaldunetan. Etxeetan, familiekin nahiko luke egon eta lekua hartu tokiko dantza taldeetan, bertako dantzak ikasteko, ondoren Argentinara itzultzen delarik han irakasteko. Bere ilusio huntan berarekin du gibelean bere familia. Orain arte, arrapostu batzuk lortu ditu, Iparraldean, baina zazpi probintzietara nahiko luke eraman bere esperientzia. Euskara eta frantsesa ongi mintzo ditu, eta euskara barnean sendi du, eta zinez nahi luke Euskal Herriko bateko eta besteko euskalki eta moldeetan bere egin. Handiak dira bere nahikeria eta engaiamendua, baina Euskal Herriko familia batzuen laguntza eta bultzada behar du bere ametsa egia bihur dadin. Lagundu nahi zenioke? Unairekin kontaktatzeko, emailez: unihernandez22@gmail.com eta whatsappez, +54 9 249 4209-329. Instagram: www.instagram.com/unainhm. Mila esker aitzinetik.