Galdakaoko webguneak piztu duen polemikak jarraipena izan du. Espainiako Gobernuak EAEn duen ordezkaritzak oroimen webguneak aldatzeko eskatu die Galdakao, Orio, Oiartzun, Hernani, Amasa-Villabona eta Azpeitia herrietako udalei. Zehazki, hilabete bateko epea eman die memoriari buruzko webgune horietan ETAren biktimen eta talde armatuko kide ohien arteko parekatzea ezabatzeko, biktimen legea urratzen delakoan. Gainera, agindua ez badute betetzen, Estatuko Abokatutzari parte emateko mehatxua egin die. Hemen aipatuak diren herri guzietan EH Bildu da agintean.

Zuzenketak egiteko galde honek ez ditu hunkitzen horrelako webguneak dituzten eta EAJren esku dauden Erandio eta Tolosako udalak. Gobernuaren Ordezkaritzaren arabera, herri hauek jadanik bilatzailea indargabetzeko urratsa egina omen dute.

Maiatzaren 28ko udal hauteskundeak hurbiltzen ari diren honetan, bada mugimendu Iruñeko udalean. Maria Garcia-Barberena eta Fermin Alonso UPNko zinegotziek beren alderdia utzi eta PPren zerrendan aurkeztea erabaki dute. Garcia-Barberena Kultura eta Berdintasun zinegotzia da eta Alonso berriz, Proiektu Estrategikoetako, Mugikortasuneko eta Jasangarritasunekoa. Biek Enrike Maya auzapezaren esku utzi dituzte zinegotzi karguak.

PP izan da berria eman duena, ohar batean, mugimendu horren arrazoiak azaldu dituzte bi hautetsiek. Bertzeak bertze, Carlos Garcia Adanero popularrak Iruñeko Udalerako duen proiektuarekin hobeki identifikatuak sentitzen direla diote, Nafarroako foru erregimena eta konstituzionalismoa defendatzen dituelako.

Halaber, UPN uzteko bertze arrazoiak alderdiaren zuzendaritzaren azken erabakiak direla zehaztu dute, "Navarra Suma koalizioarekin alde bakarrez haustea ekarri zutenak", bereziki.

Bi zinegotziek adierazi dute legealdi hastapenean Navarra...

Itsaso zabalera arrantzara joan gabe atunak harrapatzeko manera plantan ezartzeko lanetan hasiak dira Getarian. Balfego kataluniar enpresak eta AZTI zentro zientifiko eta teknologikoak kaiola urperagarriak eraikiko dituzte, atungorria gizentzeko.

Horretarako, Eusko Jaurlaritzaren baimena beharko dute, instalazio horiek aldaketa ekarriko baitute euskal arrantzaleen arrantzatzeko moldean. Alabaina, atunak banazka harrapatzeko erabiltzen duten beita biziaren teknika utzi eta inguraketa bidez bilduko dute atungorria.

Gorago aipatu bi egiturek sortu duten Itsas Balfrego SL enpresak zehaztu du aldaketa horrek hobekuntza ekarriko diola jasangarritasunari, arrantza-ontzien erregai kontsumoa murriztuz. Halaber, arrantzaleen segurtasuna bermatzen lagunduko omen du kaiolaren sistemak.

Heldu diren aste eta hilabeteetan, zirkulu formako bi kaiola eraikiko dituzte, Getariako portutik 3,688 miliara.

Hastapeneko xedea da, 100 atungorri edo hegalabur sartzea kaiola horietan,...

Joan den asteko Herrian azaltzen genuen Mikel Zabalzaren hilketan ustez parte hartu zuen Arturo Espejo Valejo guardia zibila mailaz goratua eta dekoratua izan zela. Egitate horren ondorioz agertu ziren gaitzespen adierazpenak ere aipatu genituen.

Zenbait egun berantago, Zabalza Garate familiak, Mikel Zabalza Gogoan plataformak, Nafarroako Torturaren Sareak eta Aezkoako Batzarrak prentsaurrekoa eskaini dute Orbaizetan, Espejoren mailaz goratzea salatzeko.

Zabalzaren familiak salatu du Arturo Espejo mailaz igaiteak gertakariak argitzeko esperantzak deuseztatu dizkiela, eta duela 37 urteko puntu berera itzuli direla. Idoia Zabalzaren arabera, Espainiako Gobernuak egia eta justizia bilatu baino nahiago izan du tortura saritu.

Mikel Zabalza Gogoan plataformak hitzetarik ekintzetara pasatzeko galdegin du, Zabalza auziko dokumentuak desklasifikatzeko, egia aitortzeko eta egin mina erreparatzeko.

Nafarroako Torturatuen Sarearen ustez, ez da etikoa alde...

Hizkuntza Eskubideen Behatokiak agerraldia egin du apirilaren 13an, Bilbon, "Hizkuntza eskubideen egoera 2022" txostena aurkezteko. Iaz, euskararen lurralde guzietan eta eremu ezberdinetan gertatu ziren hizkuntza eskubideen urraketak bildu eta egoera zertan den azaldu du. Agurne Gaubeka Behatokiko zuzendariak eta Garbiñe Petriati teknikariak hartu dute hitza hedabideen aitzinean.

Orotara, joan den urtean Behatokiak 1.071 ohar ukan zituen: 976 kexa, 54 zorion-mezu eta 41 iradokizun. Petriatik azaldu du hizkuntza kontzientzia ukanik ere, anitz herritar ez direla menturatzen zerbitzua euskaraz eskatzera, arazorik ez ukaiteko.

Gisa berean mintzatu da Gaubeka ere, eta adierazi du "euskararen normalizaziorako pausoak mugatu, oztopatu edo debekatzen badira", hizkuntza eskubideek ez dutela sekula aitortza egokirik izanen.

Aitzineko urteetan bezala, bereziki Nafarroako Gobernuaren eta Eusko Jaurlaritzaren jardunarekin lotuak diren kexak bildu ziren, 2022an. Horien...

Joan den urrian ABRA Arabako Errioxako Upategien Elkarteak bere sor-marka propioa sustatzeko urratsa egin zuen. Eusko Jaurlaritzak behin-behineko baimena eman zion, Europako Batzordearen behin betiko erabakia etorri artean. Baina egun hauetan jakin da EAEko Justizia Auzitegi Nagusiak ezeztatu duela baimen hori, Errioxako Kontseilu Arautzaileak pausatu helegitea onartu ondoan.

Zigilu berria sustatzen duten upategiek ez diote, ordea, beren egitasmoari uko egin, eta EAEko Auzitegiaren kontrako helegitea aurkeztu dute.