“Bi Arnas” dokumentala, martxoaren 27an Donapaleuko zineman

Jon Mikel Fernandez Elorz-ek egin dokumentalak torturaren ikusezin zauriak argitzen ditu. Iratxe Sorzabalen eta Mari Nieves Diaz bere amaren lekukotasunek oinarritzen dute. Dokumental hau martxoaren 27an, astelehenez, Donapaleuko zinegelan (20:30) pasatuko da.

Zonbait egun lehenago, martxoaren 22an, beste dokumental bat erakutsia izan da Donapaleun, “Karpeta Urdiñak”. Ander Iriarte dokumental hunen egileak jakiten duelarik bere aita ere torturatua izan zela, ikerketa batean parte hartu du Estatuaren indarkeria aztertzeko. Torturaren gaia Euskal Herrian jorratzea distantzia egokian kokatuz, ariketa delikatua zen. Ander Iriartek dokumentalaren ondotikako eztabaidan parte hartzekoa zuen.

“Mandotik astora” antzerkia Donapaleuko zineman

Antzerki hau, Kitzikatzank taldeak gonbidaturik, Izturitzeko Artetxeko antzerki talde berriak emanen du, apirilaren 2an, igandez (16:00), Donapaleuko zinegelan.

Pekogaineko harpean aurkikuntza arkeologiko harrigarria egin ondoan, Beñat Tapiza herritar ohi eta afera-egilea agertzen da herritarrei proposamen ikaragarri baten egiteko...

Komedia honekin, burokraziaren zentzugabekeriaz eta afera-egileen baliatzaile senaz bi irri egiteko parada emana da. Sartzea (17 urtez goiti): 5€

Arte plastikoen zikloaAmikuzeko mediatekan

Joan den azarotik maiatzera, Amikuzeko mediatekak arte plastikoen aurkitzeko parada emaiten du. Lucile Gobert, kolegioko erakasleak animatzen dituen tailerrak haurrei eta gehienei idekiak dira. Hilabete huntako hitzordua martxoaren 25ean, ibiakoitzez, antolatua da (10:30). Bakoitzak zizelkadura bat sortzen ahalko du. Izenak aitzinetik eman behar dira mediatekara deituz.