Ahalmen Urritasunaren Astea

Herriko sozial zentroak, hainbat partaiderekin, ahalmen urritasunaren astea antolatzen du, martxoaren 25etik 31 arte. Aurtengo edizioan Elur Alberdi da gozama, para-arrauneko munduko txapeldun den hendaiarra.

APF, Itsas Ospitaleak eta Handisport elkarteek, Hendaiako eskola guzietan hiru gertakari antolatzen dituzte. Horrez gain erakusketa, film-eztabaida eta ongizaite tailerrak proposatuak dira. Xehetasun guziak www.hendaye.fr webgunean.

Antzerkia

Martxoaren 24an (20:30), Mendi Zolan Oier Zunigaren “Eresia” antzerkia ikusgai izanen da. Eresiak dira hilen omenez kantatzen ziren hil-kantuak. Obra hau gai horren inguruan oinarritua da. “Ama hil da. Abesti bat, dantza bat, erritual bat... lore bat oparitu nahiko nioke, baina oraingoz ez daukat harentzat kanturik. Nola jokatu pertsona maite bat hiltzen denean? Nola berari agur erran? Nola aurre egin bizitzari? Maitasuna izan ahal daiteke erantzun posible bakarra?”

Itsasbazterreko udaberriko garbiketa

Euskal Itsasbazterra Ingurumen Zentroak martxoaren 25ean (9:30) itsas bazterrak garbitzeko gomita zabaltzen du. Bazterrak garbitzeaz gain, biodibertsitatearen ezagutzeko parada emana da. Lau gunetan hitzordua finkatua da cpie-littoral-basque.eu gunean xehetasun guziak atzemanen dira. Bilketa egin eta, Itsas Zentroan aperitifa eskainia izanen da (11:30). Izena eman behar da 05-59-74-16-18 edo abbadia.cpie.accueil@hendaye.com bidez.

Pirritx eta Porrotx

Akelarre elkarteak Pirritx, Porrotx eta Marimotots gomitatu ditu. Beltzenian martxoaren 26an (11:00) “Urteak bete, abenturak bizi!” ikusgarria emanen dute.