Mus solas

Union Basqueren kontu, Etxebarne ostatuan 10 pare bildu dira. Lehen atera dira Orxixtegiko Bidegain Henri eta Iriarteberriko Etchepare Mattin, herriko txapeldun-ordeak Gerezieta Aroztegiko Xavier eta Fabien Pochelu aita-semeak dira atera. Txapeldunak lehiatu dira Donamartiriko kantonamenduko kanporaketetan eta berri ona, kalifikatu dira Bidarten Pazko astelehenez iraganen diren finaletan parte hartzeko.

Euskal Herriko Txapelketarentzat, Lekornetik bi pare ziren atera: berriz ere txapeldunak Bidegain Henri eta Etchepare Mattin dira lehen, parean zituztela Gerezietako Etxemendiko Pochelu Michel eta Udaberriko Begorre Xavier. Lapurdiko lehiaketatatik bi ekipa horiek Euskal Herriko txapelketara segituko dute, Zornotzan (Bizkaia) iraganen dena. Suerte on 4 herritarreri, bonetarekin itzuli herriko plazara!

Toberak eta kabalkada 2024an

2024an herrian kabalkada eta toberen mentura bada, ez Xipihinez, bainan untsalaz uztailaren 28an igandez eta agorrilaren 4an larunbatez eskainia izanen da. Besta komiteak antolaturik, biltzarrean 80 jende bildu ziren. Gazteek kudeatuko dituzte arlo guziak: toberak, antzerkia, komunikazioa eta antolakuntza orokorra. Parte hartzeko apirilaren 1a arte izenak emaiten ahal dira. Biba gazteria!