Maiatzaren 29an Mendekoste astelehenez Ainhoan iraganen da. Prozesioena abiatuko da Ainhoako elizatik (9:00), Arantzetako Andre Mariaren kaperaraino, (10:30) Lapurdiko San Mixel Garikoitz parropiako erretore berria, Jean-Paul Martinon jaun apeza, izanen da biltzarburu euskaraz ospatuko den mezan.

Fededunen dohaineri eta “Ainhoako Kaperaren Lagunak” elkartearen lanari esker, 2018 eta 2019an eraikina osoki berritua izan da eta Baionako apezpikuak 2020an benedikatu du.

Mezaren ondotik, gazteen edanlekuan, beilariek beren egarria asetzen ahalko dute, Atsulai mendiaren gainaldeko bazter zoragarriari begira, 389 metroko goratasunean.

Bi aldiz berreraikia izan zen kapera, 1793 eta 1813an, Jan Battitt Beherekoetxe (1745-1825) herriko ermitaren eskuetarik, inguruko artzain gazteei irakurtzen irakasten ziotena. Kaperako bidean dauden hamalau gurutzeak 1886an eraikiak izan ziren eta "Hiru Gurutzeen Kalbarioa" 1898an. Prozesio hondarrean, Kalbariotik beretik, Martinon erretoreak inguruko natura eta laborariak benedikatuko ditu, meza baino lehentxeago.