Herriz Herri - Biarritz (L) | 2023ko Maiatzaren 25a
Gabriel Aresti eta euskal kultur esparrua - Surfrider Eguna - Ohakoa 25 urte
Gabriel Aresti eta euskal kultur esparrua
Maiatzaren 30ean (18:00) mediatekan "Gabriel Aresti eta euskal kultur esparrua (1953-1975)" Asier Amezaga Etxebarriak idatzi duen liburuaz hitz eginen du, Pauline Guelle aurkezle izanen delarik.
Surfrider Eguna
Ekainaren 3an Milady hondartzan, Surfrider Eguna iraganen da. Egun osoan (9:00-18:00) ureko lerratze materialaren merkatua iraganen da, ozeanoaren ekimenak (15:00-17:00) eta kontzertuak (18:00-00:00). Besteak beste, Xiberoots eta Solas Sound System entzuten ahalko dira.
Surfrider Foundation Europek kostaldearen eta ozeanoaren babesari eskainitako eguna partekatzera gomita luzatzen du.
Ohakoa 25 urte
Ohakoa haurtzaindegiak 25 urte betetzen ditu, karia horretara ekainaren 3an animazio desberdinak proposatzen ditu (10:00-22:00). Mizanbu gaztetxean iraganen den bestan jokoak eta animazio desberdinak proposatuak dira, bai eta zikiroa, eguna bururatuko da kontzertuekin.
