Herriz Herri - Pagola (Z) | 2023ko Maiatzaren 25a
“Tula Laika”, besta eguna igande huntan
Xiberoko ikastolek eta Manex Erdozaintzi Etxart kolegioak, besta eguna antolatzen dute igande huntan, maiatzaren 28an, Pagolan. Musikaren Eguna zen bezala, egun osoko egitaraua proposatzen dute, karrika inguru, antzerki, joko, kirol, kontzertu. Eguerdiko bazkaria atxikitzeko, izenak aitzinetik eman behar dira 06-81-81-14-39 deituz. Egun osoan ogitartekoak salgai izanen dira.
Arratsaldeko 14:00etatik goiti, Pontx kluna hor izanen da haurren jostarazteko. Kontzertuak (15:00): Guk eta Gü, Murgi (Lapurdiko rock taldea), Ziztadak & Rlantz (Bilboko reggae eta rap taldea), Atzarbale txaranga, Dupla (Aguraineko taldea), Rodeo (Azpeitiako rock taldea) eta azkenik Xiberoako DJ Üzkülüz.
Autobusak, Atharratzetik, Mauletik, Donapaleutik eta Donibane Garazitik abiatuko dira (10:00), gibelera goizeko oren batean.
