Gasteizko Udala elkarrekin gobernatzeko ituna sinatu dute PSE-EEk eta EAJk. PSE-EEren esku geldituko dira Alkatetza, Ogasun eta Enplegu eta Garapen Ekonomikorako sailak. EAJk, aldiz, Gizarte Politikak eta Segurtasuna kudeatuko ditu eta Beatriz Artolazabal EAJren udal bozeramailea auzapez orde izanen da.

Maider Etxeberria auzapez berriak adierazi du kontent dela lortu duten hitzarmenarekin. Honi esker, Gasteizek merezi dituen egonkortasuna eta gobernu zorrotza ukanen dituela baieztatu du.

Beatriz Artolazabalek, bere aldetik, azpimarratu du gobernu "anitza" osatu dutela eta indarrak bilduz aiseago aitzinatuko direla. Halaber, oposizioko alderdi guziekin mintzatuko direla iragarri du.

Negoziaketen hutsegitea- Duela zenbait aste, lan-gatazka piztu zen Ertzaintzan. Orain arte Eusko Jaurlaritzak egin dituen aterabide proposamenek ez dute ondorio baikorrik ukan. Joan den astean bertze proposamen bat egin die Jaurlaritzak sindikatuei: ertzainen lan-baldintzak eta soldatak hobetzeko 37 neurri biltzen ditu dokumentuak. Horiei buruz mintzatzeko hitzordua finkatu die Ertzaintzaren Negoziazio Mahaian dauden ERNE, ESAN, EUSPEL eta SIPE sindikatuei, ekainaren 23rako.

Sindikatuek ez dute, ordea, begi onez ikusi egin zaien eskaintza. Iñaki Uranga Ertzaintzaren ekintza sindikaleko unitateko bozeramaileak salatu duenaren arabera, Eusko Jaurlaritzaren proposamena ez da berria eta ez ditu ertzainen nahiak betetzen.

Finkatu bezala, ekainaren 23an bilkura iragan da baina sindikatuek ez dute Jaurlaritzaren proposamenik onartu eta "negoziazio mahaitik altxatzea" erabaki dute, Segurtasun Saolarengandik jarrera tinkoegia izan dela pentsatzen dutelako....

Aurtengo Frantziako itzuliaren lehen hiru etapek Euskal Herria alde batetik bertzera zeharkatuko dutela baliatuz, Gure Eskuk "Euskal Herriak Erabaki À¢'€'" Basques decide" leloa duten 60.000 ikurrin banatuko ditu bere aldarrikapenak nazioartean entzunarazteko. Ikurrin berezi horiek eskuratzeko molde desberdinak izanen dira. Ekainaren 29a arte, Gure Eskuren webgunean salgai dira, baina Herriaren irakurleentzat menturaz berantegi da, jadanik. Ez da etsitzekorik, ordea. Etapa bakoitza iraganen den egun eta lekuetan eskuragai izanen dira, Fan Park zaleentzako gunean, Naiz eta Berriaren gunetan eta uztailaren 3an karabanan.

Gure Eskuko arduradunek euskal herritarrei dei egin dute ikur horiek eskuan errepide bazterrera atera daitezen, denen artean argi erakuts dezagun gure etorkizuna erabakitzea gure esku egon behar dela. Halaber, etxetako balkoietan erabakitzearen aldeko ikurrinak lotzea gomendatzen dute, "gure mezua leku guzietan ikus...

Espainiako Poliziak enpresari bat arrastatu du Donostian, eraikuntzako lanetan langileak esplotatzen zituelako. Langile horietako batzuk Ukrainako gerlatik ihesi etorriak ziren Euskal Herrira. Bertzeak berriz, Latinoamerikakoak, Errusiakoak eta Tajikistangoak dira. Enpresaburua ukrainar jatorrikoa da.

Espainiako Poliziaren Atzerri eta Muga Brigadak egin du operazioa, zazpi langile identifikatu ditu. Poliziaren arabera, langileek ez zuten ez bizileku baimenik, ez eta ere lan baimenik. Enpresaburuak hitzeman zien lan kontratuak eginen zizkiela beren egoera erregularizatzeko, baina ez zuen hitza bete. Gainera, soilik 500€ ematen zien hilabetean, eskudirutan. Egunean hamabi edo hamahiru orenez lanean ari behar izaten zuten, asteko egun guziez, igandeak barne. Halaber, nagusiak mehatxu egiten zien, haren aginduak ez bazituzten betetzen, gerlara itzuli beharko zutela.

Bizkaiko Batzar Nagusiak - Ana Otadui EAJko ordezkaria hautatua izan da Bizkaiko Batzar Nagusietarako lehendakari gisa. Hirugarren agintaldia izanen du segidan, kargu horretan.

Otaduik Bizkaiko parlamentuko 51 batzarkidetako 34ren sustengua ukan du, EAJko, PSE-EEko, eta PPko kideen bozak bildu ondoan. EH Bilduko eta Elkarrekin Podemoseko kideek xuri bozkatu dute.

Bizkaiko Batzar Nagusiak honela osatuak izan dira: EAJko 23 ahaldun, EH Bilduko 15, PSE-EEko 8, PPko 3 eta Elkarrekin Podemoseko 2.

Gipuzkoako Batzar Nagusiak - Gipuzkoako Batzar Nagusietako lehendakaria, Xabier Ezeizabarrena izanen da, bozetan gehiengo osoa erdietsi ondoan. Haren alde joan dira EAJren 17 boz, PSE-EEren 7 eta PPren 3. Hots 51 batzarkidetarik 27k Ezeizabarrena hautatu dute.

EH Bilduk ere lehendakaritzarako hautagaia aurkeztua zuen: Zelai Amenabarro. Honek koalizio independentistaren 22 bozak eta Elkarrekin Podemosen 2ak eskuratu ditu.

UEFAk Osasuna futbol taldeko zuzendaritzari jakinarazi dio erakunde horretako Etika eta Diziplina Batzordeko ikuskatzaileek Nafarroako taldea 2023-2024 Konferentzia Ligatik kanporatzea gomendatu dutela, 2013an partida batzuetan iruzur egin zuelakoan. Talde gorritxoari leporatzen zaiona da 2013-2014ko denboraldian Espainiako Lehen Mailako bi partidetako emaitzak adostu zituela aurkariekin, horrela ordu arteko mailan egoteko aukera gehiago izanen baitzuen.

Talde nafarrak adierazi du ez dela ados UEFAren irizpidearekin, beraz helegitea aurkeztuko duela Apelazio Batzordean. Halaber, iragarri du legez borrokatuko dela, azken ondorioetaraino, bere eskubideak defendatzeko.