Eskolako sartzea eta besta

Buruil hastapen huntan, 24 ikaslek Mendi Alde eskolako bidea hartu dute. Urtean zehar beste batzuk ere segituko dute. Sartzea usaiako erakasle eta laguntzaileekin egin da. Denek ikasturte on eta baliosa iragan dezatela!

Eskolako kermeza buruilaren 30ean, ebiakoitzez iraganen da. Eguna mezarekin hasiko da, gain huntako asteburuko meza izanen da. Ondotik: pilota, jateko, edateko eta bertze izanen dira. OGEC elkarteak du Mendi Alde eskola kudeatzen. Barneko gelak arras untsa baldin badira, eraikinaren kanpoaldea berriz tindatu behar litaike. Denak gomitatuak gira buruilaren 30ean eta oroz gainetik herritar guziak, gehienek hor eskolatuak izan baigira, denek freskaldi on bat zor dakogu.

Lehengo gazteak

Buruilaren 28an, hirugarren adinekoen elkarteak ateraldi bat antolatzen du, Pasaia herrira, Donostiako ondoan, Albaola museoaren bisitatzera. Museo hunek 16. mendeko marinel balea ihiztarien historia eta bizia erakusten dauku. Elkarteko partaideek egun hortako xehetasunak etxera ukanak dituzte. Izenak berantenaz buruilaren 19ko eman behar dira, Bernadette Periko edo Pantxo Gortairu deituz. Elkartean ez direnak bainan ateraldi hortaz interesatuak direnak, xehetasun guzien ukaiteko Bernadette ala Pantxorekin harremanetan sar diten.