Ezkontza

Aitzineko ibiakoitzean, heien ezteiak ospatu dituzte Anthony Zendt eta Oihana Rozados gazteek. Izpegiko bidean dute etxea. Goresmenak ezkondu berrieri.

Urte betetze

Ezin sinetsia! Gracien Juantorenak 80 urte ospatu ditu joan den aste hondarrean, alta bederen 20 urte guttiago emaiten zazkolarik.

Gracien ez da gutti harritu azkenean konprenitu duelarik alimaleko sorpresa egina zakotela familiak eta lagunek. Ibiakoitz eguerditan, denak herriko plaza nagusian bilduak ziren bere beha, ongi etorri hunkigarri baten eskaintzeko, kantu, dantza eta nola ez, hain aspaldian Zaharrer Segi elkarteko arduradun izanki, atxiki ttipiko jokolari hoberenak han ziren, xuri-gorriz bezti. Omenaldiaren ondotik, denak bere etxera joan dira eta jakin dugunaz, han besta luzaz segitu eta gau minean bururatu da. Gure agurrik beroenak Gracien Juantorenari.

AEK sartzea

Euskara ikasi edo heien maila hobetu nahi dutenek, jakin dezatela urriaren 2an sartzea eginen dela. Gure herriari doakionez, kurtsoetan parte hartzeko izen emaiteak buruilaren 23an eginen dira, ibiakoitzez (9:00-12:00), Elizondo etxean. Interesatuak ditaizken zuen ingurukoak abisa.