Larrazkenean

Irailaren 14, 15, 16 eta 17an Clarenza elkarteak urtero antolatzen duen “Larrazkenean” gertakarian parte hartzera gomita zabaltzen du. Lau egunez kontzertuak, dantza ikusgarriak, konferentziak eta ondarearen ezagutzeko ibilaldiak antolatuak dira. Poitiers-ko Musikari Interpretatzaileen Formakuntza Zentroko (CFMI) ikasleak zenbait egunez hor egonen dira, eginen duten lana irailaren 15ean erakutsia izanen da.

Aurten, ondareari buruzko gogoeta lehen lerroan ezarri nahi da. Irailaren 16an (17:00) Arberoako paisaia, ondarea eta turismoari buruz mahai-ingurua proposatua da, Daniel Olçomendy Euskal Elkargoko turismo saileko lehendakariordeak bere ikusmoldea emanen du.

Larunbatean Inessa Gaxen gelan (21:00) Elgar Oinka dantza taldeak “EO!” Ikusgarria eskainiko du. Egun horietan jateko eta edateko posibilitatea izanen da (18:00). Egitarau zehatza jakiteko eta izenaren emaiteko contact@clarenza.org bidez.

3710. zbk

Gure Hitza | 2023/09/14

Lurralde antolaketa

Jean-Louis Harignordoquy

Bizilagunen ongizatea gogoan, auzapezek eta kontseilariek beren herriko antolaketaz arta hartzen dute. Bere aldetik, Garapen Kontseiluak ipar Euskal Herriari buruzko gomendio baliosak egiten ditu. Funtsean bertze batasun frangok ere bai, zoinek beren sailean. Ez idurika, abertzale mugimenduaren hastapeneko aldarrikapenak agertzen dira leunago erranak eta idatziak. Halere, jende guti da abarrez abar aztertu dituenik bizi den herriko aldaketen on-gaitzak, Henri Duhau senpertar komertsant ohiak, goi mailako euskaltzale langile kartsuak bezain xeheki eta dokumentuetan oinarriturik.

Xiberoak eta Baxenabarreko parte batek bizilagunen galtzak dituen bitartean, itzulipurdikatze handiak gertatu dira Lapurdiko herri gehienetan. Haietan zonbaitek beren arima galtzeraino. Turismoa garatzeko, egitura batzuk sekulako propagandak egin dituzte Frantzia guzitik edo berdin urrunagotik jendeak trumilka hunarat ekarrarazteko. Soberakina beti soberakin baita, hara orain Ba...

Irakurri segida

Gurekin harremanetan sar