Maitaldia: Mosaique ikusgarria

Euskal Elkargoaren eta Herriko Etxearen laguntzarekin, Maitaldia festibalaren karietara Malandain Balletak buruilaren 16an (19:30), Jai-Alaian, 22 dantzariz osatu taldeak, Mosaique ikusgarria eskainiko du. Malandain Ballet Biarritzeko dantzariek, Euskal Herriko pilota plazak eta trinketak kurritzen dituzte, Thierry Malandainen errepertorioaren bihotzean murgiltzeko gomita.

Sartzea 12 euro/eusko, txartelak atxikitzeko letempsdaimer.com bidez, Donibane Garaziko turismo bulegoan eta lekuak gelditzen badira tokian berean.

Ondarearen eguna

Irailaren 17an iraganen da, Donibane Garazin animazio desberdinak antolatuak dira:

Merkatu estalian liburu azoka (9:00-19:00).

Herriko Etxean burdinola iniziazioa eta argazki erakusketa (11:00-16:00).

Haurrentzat pista jokoak, abiatzea Herriko Etxetik (10:30).

Galant eiheraren bisitak, 15 pertsonara mugatua. Izen emaitea turismo bulegoan (11:00-14:30).

Apezpikuen presondegian Edouard Maytek pilotari buruz eman hitzaldia (16:00).

Herriko pilota plazan xistera partida (21:00).