Kaskarotak 2024

Badu 50 urte baino gehiago historiak kondatzen duela herriko etxetan dantzari eta musikariak pasatzen direla, izpiritu txarrak kanporatzeko eta primaderaren etorrera jakinarazteko: huna beraz Kaskarotak.

Aurten ere Oinak Arinek ohitura hori begiratzen du, etxeak musikaz eta dantzaz alaiturik. Ikusiz herriko biztanleen eta beraz etxeen kopurua urtero handituz doala, 6 asteburu beharko dira auzogune guzietan gaindi ibiltzeko. Taldeak gomendatzen dauku auzoen artean elkartzea eta dantzarien harrera ongi prestatzea! Parada ederra ere giro hoberenean, auzoen, dantzarien eta musikarien arteko ezagutzak hobetzeko, dudarik gabe horren beharra baitugu.

Otsailaren 11n azken eguna, eliza aitzinean (plaza nagusian) ihauterien ikusgarria iraganen da.

Auzoguneetako pasaia egunak banatuak izan dira etxe guzietan, afixa ttipi batzuen medioz, aurki litzakete ere Oinak Arinen webgunean.

Bixintxoko pestak

Horiek ere hor izanen ditugu hilabete huntako 3. asteburuan.

Urtarrilaren 19an - Adinekoen dantzaldia, ondotik krakada Bixintxo komiteak eskainirik (15:30). Zintzur bustitze eta afaria Ezezagunak taldeak alaiturik (19:00).

Urtarrilaren 20an- Oinezko ibilaldiendako izen emaitea (9:00), hautua egina izanen duzuelarik: (9:30) herria oinez eta (10:30) herria lasterka. Arratsaldez haurren pesta, Zyglo pailazoa eta krakada (15:00). Taloak eta axoa (19:30), ondotik kontzertuak: Lagunekin Kanta eta Andoni Oilokiegi. Gauerditan dantzaldia Katxi taldearekin.

Urtarrilaren 21ean- Baserritarren azoka (9:00-12:00). Bixintxoko meza nagusia (10:30), "Los amicos" bandak animaturik. Komiteak eskainirik zintzur bustitzea, ondotik taloak baserriko produktuekin.

Pesta on deneri!