Pontx pailazoa

Hazilaren 18an Pontx-ek Lur Berri gelan ikusgarria eman du, gela gaindika zen hainbertze jende bazen etorria. Ikusi behar zen nola zabaldu duen bere jakintasuna, tikitik bazuen Pirritx eta Porrotxen gostua eta handitu delarik bere ideia segitu du. Bai zinez hola segituz Joanes gora joanen zira, segi maite duzun ofizio hortan eta nere partez suerte on zuri!

Euskaltzaleen Biltzarra

Deneri idekia, hazilaren 25ean larunbatez (11:00), Kepa Altonagak bere azken liburua aurkeztuko du Lezetan, ondotik bazkaria izanen da Errotatxarriko Bordan, Halty ostatuan, prezioa 35€.

Bilkura

Hazilaren 29an asteazkenez (18:00), Herriko Etxeko gelan, Euskal Elkargoak antolaturik bilkura iraganen da. Elizako karrikan obrak eginen dira, euri urak ur zikinetatik kenduko dituzte, hortako bertze kanalizazio bat eginen da. 2024ko urtarriletik goiti lan horiek hasiko dira, karia hortara da bilkura antolatua. Karrika hortako jendeak bilkurara etorri, zeren informazioak jakinen dira eta buruzagiekin gauzak nola eginak diren mintzatzeko parada izanen da.

Egurra

Urte guziz bezala suko egur lotak izanen dira, bai eta ere akaziak, interesatua dena Herriko Etxean eman izena, abenduaren lehena aitzin, deituz 05-59-54-20-28.

Eguberriko merkatua

San Josepe eskolako haurren burasoek antolaturik, hazilaren 25ean iraganen da, larunbatez, Lur Berri gelan. Egun guzian, haurrak makillatu, denbora ederra baldin bada pottokekin itzulia egiten ahalko da, bai eta ere ostatu eta goxokiak. Haur horien sustengatzera etorri.

Pilota trinketean: Lehen maila: Elgart Vincent - Haroçarene Arnaud irabazle 40-21 Urruñarrak-en kontra. 2. maila Mariluz Julen - Etcheverry Unai irabazle 40-5 Mauleren kontra. Artekoak: Etxeberri Pacheco Manex - Zozaya Eñaut irabazle 40-25 Oztibartarrak-en kontra. Alvarez Telio - Lecuona Peio galtzaile 32-40 Goizeko Izarraren kontra. Gazteak: Aguirre Arkaitz - Semerena Eneko irabazle 40-31 Goizeko Izarraren kontra. Gaztetxoak: Larrañaga Ekhi - Berasategui Unai galtzaile 40-30 Noizbait-en kontra. Alduntzin Kaiet - Marin Imaz Eneko irabazle 40-12 Noizbait-en kontra. Idoate Uhaitz - Heredia Unai irabazle 40-24 Oztibartarrak-en kontra. Kimuak: Lafitte Unai - Idoate Xan irabazle 40-26 Azkaindarrak-en kontra. Umetxoak: Babace Leizagoyen Oihan - Zabaleta Orhi irabazle 20-11 Eskulariren kontra. Lafitte Mattin - Lefranc Koskarat Gilen galtzaile 20-13 Urruñarrak-en kontra. Errugbia: Sarako mutikoen taldeak 19-48 galdu du Jurançonen hango ekipoaren kontra.