Nola onar dezakezue hainbeste diru, energia eta zientzia gastatzea, mila milioi pertsona miseria handian bizi direnean eta askotan txaboletan edo kanpoan bizi direlarik, duinak ez diren baldintzetan. Komunikabideak modernizatzeko halako ahalak emaiten direnean, buruzagiek nahiago izan duzue Hitler, Stalin, Mao, Castro eta Franco bezalako diktadore deabruak bezala egin.

Gure planeta lur emankor eta elikagarria den bitartean, hauts bihurtzen duzue. Errusiak gaitzeko lurrazpi aberatsa du, bainan gizartearen ongile izan zitekeen Putin jaunak, nahiago izan du diktadore dohakabe horiek bezala egin.

Errusiak milaka haur eta zibil hil zituen Ukrainan, eta egoera onean zeuden etxebizitzak, eskolak eta ospitaleak suntsitu ere. Horretarako, auzitegi aitzinean behar luke auzipetua izan, gerlako krimen horientzat.

2023 urtea, zenbakien arabera, egundainoko beroena izan baldin bada, emazte hilketen alorrean ere gaitza izan da. Ehun mila hurbil emakumek bizia galdu dute senarren ala gizonen kolpeen eraginez. Bereziki Hego Amerikan, Asian eta Afrikan gertatzen dira nagusiki feminizido horiek, baina Europa okitua eta batzuen irudiz "zibilizazioaren" eredua den hau ere hunkitzen du larriki pandemia latz horrek. Frantzian demagun, elkarte feministek aurten 134 emazte "biolentatu" kontatu dituzte; hiru egunetatik behin halatan, emazte bat hiltzen da bere lagunaren ukabilkaden pean. Gobernuak anitzez gutxiago nonbratu ditu: Eric Dupont-Moretti halako espantu zozo batekin agertu da pantailetan.

Ez dugu ahantzi behar, denbora berean, bost egunetatik behin, haur bat eraila dela Frantzian. Azken adibidea, prentsak aipatu duen Eguberri eguneko masakre odoltsuaren karietara, Meaux (77) eskualdeko sarraskian lau haur eta hauen amak galdu zuten bizia....

Abenduaren 12an, Euskal Haziak (Irakaskuntza elebidun katolikoko guraso, irakasle eta irakasleen elkartea) ama eskolako haurrei opari ederra eskaini die. Maialen Alfarok animaturik Itsaso Zabalera ikusgarrian parte hartu dute. Ikasle guziak aktoreak bilakatu dira. Itsasontzira igan eta, aingura altxatu dute, bela igo eta itsasoan zehar bidaia ederra egin. Haien irudipenetik atera diren animali eder batzuk gurutzatu dituzte. Bidai hori bukatzeko, lasaitu dira Maialenen kantu bat entzunik.

Ipuin honi esker, haurrek ikasten dute haien gorputza entzuten, konfiantza indartzen eta lasaitzen.

Zer momentu goxoa pasa duten!

Abenduaren 21ean, ostegun goizez, Zubiak eraikiz proiektuarekin segituz, Oreretara joan dira kolegioko 5.eko ikasleak Santo Tomas goiza ospatzera.

Orereta ikastolan, gutun trukaketako bikoteak ezagutu dituzte, jokoak, kantuak, dantzak, zozketa eta txistor pintxoak janez.

Biziki ongi pasa da, nahiz eta eguraldia ez gure alde izan.

Euskaraz gozatuz, lagun berriak egin dituzte hurrengo topaketaren zain izanez.

Ipar Euskal Herriko lehen mailako eskolei kalitate handiko euskarazko animazio filmak eta laguntza pedagogiko egokia eskaintzeko helburuarekin, Euskal Kultur Erakundeak (EKE) eta bere partaideek Zineskola euskarazko irudi heziketa dispositiboa berriz antolatzen dute, 2023-2024 ikasturtean. Zineskola dispositiboa EKEk du antolatzen Zukugailua, Cinéma & Cultures, Cinévasion,

Irakurri segida

Doinuele sareak euskara hutsezko musika eta literatura azokak edo(ta) gertakariak Euskal Herri osoan batzen ditu. Euskal musikazale eta irakurzaleeri urte osoko hitzordu-zirkuitua bermatzeko borondatez abiatu zen. Baita plaza horiek "itzaletik ikusgaitasunera" ekartzeko, "euskaraz bizi den komunitatea" indartu nahi da, bai ikus-entzuleena, baina baita sortzaile eta programatzaileena ere. Horregatik, Doinuelek badu zubigintza bokazioa, euskal sorkuntzaren guneek elkarren berri izan dezaten eta elkar babes dezaten. Joan den astean aurtengo azoka guzien berri eman da.

- (H)ilbeltza urtarrilaren 22tik 28ra, Baztanen. Nobela beltzari buruzko ekitaldiak.

- Geure Gelatik apirilaren 12tik 14ra, Azkoitia. Emazteek idatzi liburuen azoka eta ekitaldiak.

- Literaturia maiatzaren 24tik 26ra, Zarautz. Literatura azoka eta ekitaldiak.

- Ziburuko azoka ekainaren 1ean. Liburu eta disko azoka eta...