Herriz Herri - Baigorri (NB) | 2023ko Azaroaren 30a

Heriotze - Sortze - Baigorriko komertsantak - Eguberriko merkartua eta Téléthon - Liburu izenpetze

Heriotze%20-%20Sortze%20-%20Baigorriko%20komertsantak%20-%20Eguberriko%20merkartua%20eta%20TAlAthon%20-%20Liburu%20izenpetze

Heriotze

Michel Urriza 75 urtetan zendu da, eritasunak eremanik. Hargina zen ofizioz. Gure dolumin bizienak Kattin alarguntsari, Christian eta Corinne seme-alaberi, anai-arreberi eta familia guziari.

Frantxoa Iribarne Lamotakoa 75 urtetan zendu da. Frantxoa musikari gisa ezaguna zen, besteak beste hainbeste eztei edo besta animaturik (Urdozekoak bereziki). Doluminak familiari.


Sortze

Bi sortze ukan ditugu azaroko hilabete huntan, gure herrian:

Laura, Battitt Ospital eta Sophie Arriadaren 3. haurra. Leisparzeko “Leku ona” etxe berrian bizi dira.

Youna, Jordan Arnould eta Pauline Poublan-en alaba. Hauek Okozen dute egoitza, Korteako etxe arraberrituan.


Baigorriko komertsantak

Baigorriko komertsantek eta ekoizleek laguntzen zaituztete Eguberriko opari ideiaren atzemaiten. Abendu huntan, egun guziz, gure herriko komertsant edo ekoizle batek opari ideia bat proposatuko dauku bere produktuekin. Prezioa ere afixatua izanen da. Urte hondarreko apairuen prestatzeko, edari eta janariak ere aurkituko dituzue. Helburua da herritarrak heien opariak Baigorrin berean erosterat sustatzea, kostaldera joaiteko orde.


Eguberriko merkatua eta Telethon

Merkatua, askaria, animazioa, dantzaldia eta bazkaiteko Burger fritak, Eguberriko merkatua Plaza Xokon ospatuko da, ibiakoitz huntan, abenduaren 2an. Besteak beste, Eguberriko apaindurak aurkituko dituzue.

Bestalde, Telethon-aren alde, suhiltzaileek taloak salduko dituzte Nafarroa/Tulle errugbi partidaren karietara, igande arratsaldean (15:00).


Liburu izenpetze

Eric Mailharancin-ek liburu berri bat idatzi du: “Quatre années glorieuses”, 1960 hamarkadako Euskal Herria kondatzen du. Eric Spar Oronos saltegian izanen da abenduaren 3an, igandean (10:00-12:00), bere obraren izenpetzeko.

Email Buffer Facebook Google Twitter Pinterest LinkedIn Digg StumbleUpon Tumblr

3722. zbk

Gure Hitza | 2023/11/30

Ile-apaindegiko oihartzunak

Peio Jorajuria

Ez da ile apaindegia bezalakorik han-hemenkako berrixken eta sentimenduen trukatzeko. Aitzin hortan, lauzpabost lagun ginen apaindegi batean, gure itzuliaren zain. Ile-apaintzaileak musika ezti bat ezarria zuen, beharrientzat entzun goxoa. Ileak mozten zizkionari esplikatzen zion aspertua zela orain arte pizten zuen irrati burrunbariaz, munduko berri ilunez baizik brokatua ez zaiona, gohainditzeraino. Bezeroak arrazoi ematen dio eta biak hasten dira berri ilun horien tira ahala zerrendatzen.

Nahas-mahas, Palestinako sarraski odoltsuak, Ukrainako gerla, eskualde guzietan biderkatzen ari diren uholdeak, Europak hamar urte gehiagorentzat eman duen glifosata erabiltzeko baimena eta gisa hortan minbiziak biharamun ederrak izango dituela oraino, pedofilia aferak... Ari ziren, ari, biak, litania horren soka luzeari tiraka eta tiraka. Hori da gure eguneroko bazka irrati, telebista eta sare sozialetatik, ziotela. Ezarria zen musika eztia...

Irakurri segida


Gurekin harremanetan sar




segurtasun kodea

Herria Euskal Astekaria - Imprimerie du Labourd - Cazenave bidea, 29 - 64100 BAIONA | tel: 05 59 25 62 85 | Legezko oharrak | Diseinua eta programazioa: iF Diseinuak - 2016