Arrabestak

Donamartiriko gazteriak abenduaren 9an arrabestak antolatzen ditu. Horra arratsean proposatua izanen den animazioa: taloak (20:00), Punttu Kakotx txaranga (21:00-22:30) eta ondotik DJ Delta. Beraz ez duda hurbiltzea momentu goxo baten pasatzeko.

Eguberriko merkatua

Arberoa ikastolak usaian Izturitzen antolatzen duen Eguberriko merkatua, aurten Aiherran iraganen da, abenduaren 3an igandez (10:00-15:00). Tokiko ekoizle eta artisauak ezagutzen ahalko dira, proposatzen dituzten edergailu, apaingarri, jantzi, janari, ezti, tisana… eta kosmetika produktuekin.

Haurrentzat eskulan tailerrak proposatuak izanen dira, makillatze erakusmahaia, baita ere Eguberriko marrazki biziduna.

Arberoa ikastolak ere bere salmenta mahaia atxikiko du, "Euskara gehiago eguneroko gauza ttipietan" lemapean. Manaketen pasatzeko azken eguna izanen da.

Egun osoan jateko eta edateko manera izanen da, giro goxoan.Beraz ez duda, Eguberriko opari idei pollitak atzemanen dira!