Pilota

Txapeldun - Joan den azaroaren 18 eta 19an Iholdiko Hoxari trinket berrian palantxazko Iparraldeko Pilota Batzordearen finalak iragan ziren. Irisartarrak pilota elkartetik bi parek parte hartu zuten. Lehenik gaztetxoetan: Kleina Oxandabaratz-Xana Labatek finala galdu dute 15/13 06/15 05/10 Zaharrer Segiren parean. Artekoetan: Maitena Mollon-Maia Muscarditzek irabazi dute 11/15 15/09 10/06 Airetiken aitzinean. Aurten Irisarritik 6 pare final-laurdenetan ziren eta denek Frantziako xapelgoa jokatu zuten. Beraz goresmenak deneri eta batez ere gure gaztetxo eta artekoeri!

Esku-huska - Gure artekoekin berri onak ditugu, Eneko Etchevers-Xan Bidart-ek multzoko partida guziak irabazirik. Joan den ibiakoitzean Iholdin finalerdia 40-28 eraman dute, Atzarri2ren kontra. Partida doi bat bitxia emaitzaren aldetik. Hastapenean irisartarrek 4-23 galtzen zuten, gero lehen berdintzea 24tan eta gero gureek irabazi dute. Eneko eta Xanek, beti Iholdin, abenduaren 10ean finala jokatuko dute (16:30) Sarako Izarraren parean! Biba gure artekoak!

Eskubaloia

Nazional 2 mailan, lehen taldeak 28-32 galdu du ASPOM Bègles taldeari. Prenazional mailan, bigarren taldeak 22-31 galdu du Oloronen. Nesketan, nazional 3 mailan, lehen taldeak 26-28 galdu du Blanquefort hirian. Bigarren taldeak 26-21 irabazi du Barzun taldeari. Erregional elite mailan, Kanbo-Irisarriko hemezortzi urtez petikakoek 39-34 irabazi dute Côte Basque taldeari. Multzoko lehena da.

Heldu den aste hondarreko partidak - Gizonetan prenazional mailan, bigarren taldeak ASPOM Bègles larunbatean errezebituko du (19:00). Ondotik hirugarren taldea Lescar-en kontra ariko da (21:00).

Nesketan, nazional 3 mailan, Kanbo-Irisarriko lehen taldeak larunbatean Ossau taldea Kanbon errezebituko du (20:30). Bigarren taldeak larunbatean Kanbon Nafarroaren ariko da (18:30). Erregional elite mailan, hemezortzi urtez petikakoak, igandean Biard hirira joanen dira (14:00).

Mintzaldia

Thomas Loyatho margolari-artistak eta Pablo Marticorena arkeologoak, abenduaren 1ean, Ospitalean (19:00) “Materia: arkeologoaren eta arte plastikoaren begirada gurutzatuak” gaiaren inguruan mintzaldia emanen dute.

Bere jakin-minaren kabinetetik, Thomas Loyathok materialak eta haien potentzialak aztertzen ditu: liana, egurra, azala, belarra, artilea, hezurra, luma, behi gorotza, lizarra eta karea... arkeologiarentzat, gaur egun museo bihurtu dena.

Ikuspegi zientifikoa eta sorkuntza artistikoa bata bestetik urrun iduritzen bada ere, zenbait puntu partekatzen dituzte, bereziki objektuak eta materialak erdigunean baitira.

Sartzea urririk, hobe aitzinetik lekua atxikitzea: ospitalea@le64.fredo 05-59-37-97-20.