Herriz Herri - Itsasu (L) | 2023ko Azaroaren 30a

Eguberriko merkatua - Adinetakoen bazkaria

Eguberriko%20merkatua%20-%20Adinetakoen%20bazkaria

Eguberriko merkatua

Arrokagarai ikastolak antolatzen du Eguberriko Merkatua abenduaren 3an, igandez (10.00-16:00), Sanoki gelan. Izanen dira hor sorkuntza arteak, ilezko jantziak, literatura, esku arteak, larruzko gauzak, bitxiak, Korrika eta Herri Urratseko jantziak, bai eta ere eztia, kosmetiko naturalak eta gehiago ere bai. Goizetik izanen dira ere animazioak: Irri Fitness haur eta helduentzat, eguerditan aperitifa "Itsasu Kantuz" taldeak animaturik eta haurren makillajea tailerra (14:00tik goiti). Bistan dena, egun osoan tokian berean jateko eta edateko behar den guzia!

Adinetakoen bazkaria

65 urtetik gorako itsasuar guziei eskaintzen zaien GEUZaren bazkaria abenduaren 16an iraganen da, larunbatez (12:00), Sanoki gelan. Izen emaiteak abenduaren 6a arte hartuak dira, edo Herriko Etxeko idazkaritzan edo direktuki Idekia elkartean. Elkartasun garraio bolondresak libro dira joan-etorria segurtatzeko.

Email Buffer Facebook Google Twitter Pinterest LinkedIn Digg StumbleUpon Tumblr

3722. zbk

Gure Hitza | 2023/11/30

Ile-apaindegiko oihartzunak

Peio Jorajuria

Ez da ile apaindegia bezalakorik han-hemenkako berrixken eta sentimenduen trukatzeko. Aitzin hortan, lauzpabost lagun ginen apaindegi batean, gure itzuliaren zain. Ile-apaintzaileak musika ezti bat ezarria zuen, beharrientzat entzun goxoa. Ileak mozten zizkionari esplikatzen zion aspertua zela orain arte pizten zuen irrati burrunbariaz, munduko berri ilunez baizik brokatua ez zaiona, gohainditzeraino. Bezeroak arrazoi ematen dio eta biak hasten dira berri ilun horien tira ahala zerrendatzen.

Nahas-mahas, Palestinako sarraski odoltsuak, Ukrainako gerla, eskualde guzietan biderkatzen ari diren uholdeak, Europak hamar urte gehiagorentzat eman duen glifosata erabiltzeko baimena eta gisa hortan minbiziak biharamun ederrak izango dituela oraino, pedofilia aferak... Ari ziren, ari, biak, litania horren soka luzeari tiraka eta tiraka. Hori da gure eguneroko bazka irrati, telebista eta sare sozialetatik, ziotela. Ezarria zen musika eztia...

Irakurri segida


Gurekin harremanetan sar




segurtasun kodea

Herria Euskal Astekaria - Imprimerie du Labourd - Cazenave bidea, 29 - 64100 BAIONA | tel: 05 59 25 62 85 | Legezko oharrak | Diseinua eta programazioa: iF Diseinuak - 2016