Dantza ikusgarria

Otsailaren 11n (17:00), Lauga gelan, Bilaka (Baiona) eta Kukai (Errenteria) konpainiek ikusgarria eskainiko dute. Ondotik publikoa dantzatzera gomitatua izanen da. Txartelak erosteko: bayonne.notre-billetterie.fr bidez.

Besten afixa lehiaketa

Baionako besten kari afixa lehiaketa abiatu zen. Besten antolaketaz arduratzen den batzordeak 5 afixa baztertu ditu, orain jendeen bozketara emanak izan dira. Turismo bulegoan eta Euskal Museoan ikusgai dira. Aurten fetes.bayonne.fr webgunetik bakarrik bozkatzen ahalko da. Jendeen bozek %60ko balioa ukanen dute, gaineratekoa (%40), besta batzordearena. Irabazleak 4.000 euro irabaziko ditu, beste laueri 500 euro emanak izanen zaizkie.

Tigre mustiken kontra

Auzoetan mustiken ugaritzearen kontra borrokatzeko Herriko Etxeak boluntarioak bilatzen ditu. Auzo bakoitzean herritarren sarea sortu nahi du, eraginkortasunez jokatzeko. Interesatuek otsailaren 25a arte izena emaiten ahal dute. Intsektu horien kasatzeko formazio berezia emana izanen zaie, ondotik bakoitzak bere auzoan kontseiluak emaiten ahalko ditu. Interesatuek www.bayonne.fr gunetik izena eman lezakete.