Herriz Herri - Izturitze (NB) | 2024ko Martxoaren 28a
Merkatu eta antzerki
Apirilaren 5ean ostiralez (18:00), Arberoako ekoizleen hilabeteko merkatuan usaian bezala oilasko, etxe ogi, baratzekari, gasna, esneki eta beste erosten ahalko da. Herri Urrats-eko jantziak ere salduko dira.
Bigarren partea Arberoa ikastolak antolatua da (15 urteen karietara). Taloak eta ostatua (19:00), antzerkia(20:30), Garazi eta Munhoa ikastoletako haur eta burasoek "Uda leku" Pantzo Hirigaraien antzerkia emanen dute, Artetxea gelan.
Sartze saria: helduentzat 10 euro, 12-17 urtekoentzat 5 euro.
Arrakasta ederra ukana duen antzerki hunen azken emanaldia izanen da Izturitzekoa. Beraz ez hutsegin.
Arrastiri goxo baten iragaiteko parada ezin hobea izanen da eta berriki iragan zaukun Korrikaren segida polita.
