Herriz Herri - Lasa (NB) | 2024ko Otsailaren 08a
Auzapezaren agiantzak
Urte oroz egiten diren agiantzak ginituen urtarrilaren 28an, herriko salan bildua zen herritar andanari ongi etorria eginik, osagarriak lagundurik, herritar guzieri urte ona desiratu du. Egin, ari eta egiteko lanak aipatu ditu, xifretan sartu gabe, ondoko egunetan kondu eta xehetasunekin eskuratuko dugula herriko aldizkaria. Aipagaietan, herriak erosia duen Bidainia etxean proiektua dutela bospasei bizilekuren altxatzeko, nahi duten herritarreri lehentasuna emanez. Eskertu ditu talde, elkarte, egiturak, egiten duten lanarentzat, ekartzen duten animazioarentzat, oroituz galdu dugun Jean-Marc Moustirats, horietan partaide zena eta Herriko Etxearentzat egin duen guziarentzat.
Holako biltzar bat ez baita bururatzen ahal basorik hustu gabe, zintzurrak ongi bustirik elgar utzi dute memento on bat solasean elgarrekin pasaturik
