Kaskarotak etxez etxe

Hilaren 10ean, larunbatarekin, urtero ohikoa den bezala, Hazia kultur elkarteak antolatu Lapurdiko ihautearen pertsonaiak: kaskarotak, zirtzilak, hartz adarduna, kotilun gorriak eta gainerakoak karrikaz karrika eta etxez etxe ibiliko dira herria dantzaz, kantuz eta bozkarioz gainezkatuz (12:00etatik goiti). 24an, larunbatarekin, berriz aterako dira karrikaz karrika eta arratsean Zanpantzar erreko dute.

"Hona Bostekoa" erakusketa

Erakusketa hilaren 9tik 16ra izanen da, Posta gelan. Sar zaitez Aritz Ibarra komikigilearen unibertsora: memoria historikoa, euskaldunak lehen mundu gerlan…! Bisita ezazu Urruñan, 2023ko udaberrian egin zuen egonaldiaren baitan sortu Aldaxka pozoituak komikiaren ilustrazioak biltzen dituen erakusketa! Erakusketaren abiatze-eguna eta Aritz Ibarraren hitzaldia hilaren 9an, ostiralarekin (19:00).

Udako animatzaileen kontratazioa

Herriko Aisialdi Guneak animatzaileak xerkatzen ditu udarako. 17 urte baino gehiago badituzu, uda honetan lan egiteko gogoa baduzu, eta ideia berritzaileak eta egitasmoak sortzeko gogoa baduzu, zure kurrikuluma eta motibapen gutuna herriko etxera igor itzazu 2024ko martxoaren 8rako beranduenik. Ez ahantz lan egiteko nahiago duzun garaia zehaztea. Hautagaitza aurkezteko, kurrikuluma eta Auzapez Jaunaren izenean idatzi motibapen gutuna igor itzazu: mailez mairie-urrugne@mairie-urrugne.com edo postaren bidez Urruñako Herriko Etxea- Herriko Etxeko plaza- 64 122 Urruña.

Bertsu bazkaria Berttolin

Hilaren 10ean, larunbatarekin, euskal presoen aldeko bertsu bazkaria izanen da Berttoli elkartean. (13:30). Bertsulari hauek hartuko dute parte: Ekhine Zapiain, Nerea Ibarzabal eta Maddi Ane Txoperenak. Prezioa: haurrendako 12 euro eta helduendako 25 euro. Izena emateko: 07-50-16-24-98.

Kuxkuxtu txarangaren dokumentala

Hilaren 23an, ostiralarekin, arratsez, Kuxkuxtu txarangaren ibilaldi luzeari buruzko dokumentala emanen dute Pausuko Xaia ostatuan. Antolatzailea: Iparra-Hegoa elkartea. Lekua dela eta izena eman behar da joan aitzinetik. Informazioa: 05-47-75-07-02.

Karma taldearen kontzertua

Urruñako ihaute denboran, hilaren 24an, larunbateko gauaz, Karma taldeak kontzertua emanen du herri erdigunean. Antolatzaileak: Gazte Asanblada eta Hazia kultur elkartea.

Altzükütarrak Xaia ostatuan.

Martxoaren 1ean, ostiralarekin, Bakalau elkarteak antolaturik, Altzükütarrak xiberotar talde famatuaren afari-kontzertua izanen da, Pausuko Xaia ostatuan (20:00). Sagarnotegiko menua. Prezioa 40 euro. Erreserbak egiteko 05-47-75-07-02.

Prezio oneko arropa merkatua

Hilaren 10ean, larunbatarekin, prezio oneko arropa merkatua izanen da Kixoenea elkarteen etxean (10:00-16:00).

“Bidasoan Euskaraz” pala txapelketa

Jadanik Pausuko ezkerparetan urtero jokatzen den pala txapelketa honetan parte hartzeko izena emaiten ahal da otsailaren 20a aitzin. Inskripzioa: 15 euro. Binakako pala txapelketa da, hiru mailetan banatua. Garaileendako badira 1.000 euroko lotak sarietan. Finalak maiatzaren 5ean, igandearekin, jokatuko dira. Antolatzailea: Bakalau elkartea. Informazioa: 05-47-75-07-02.

Pilotari urruñarren emaitzak.

Federazioaren Elite Pro buruz buruko txapelketa dela eta, urtarrilaren 29an, Donibane Garazin jokatu zuten partidan honako emaitzak erdietsi zituzten: Bixente Bideondo urruñarra 40 – Larralde 32. Aupa euskal pilotariak!