Hiria troxatzen du lainoak. Bideak libre dira jagoitik, agrikultoreen traktore eta erremorka erraldoiak orain Paris inguruan direla eta hiri nagusia gosetzean datza FNSEAko buruzagi milionarioen ametsa, erdi aroko oldarren garaietan bezala. Baina ez ditut aipatuko. Attal txikia sartu da behialako Thatcherren larruan, sozialki eta ekonomikoki ahulenak etsaitzat hartuz. Langabetuak, eriak, etxegabeak, denak galtzaile edo looser itsusi ahalkegarriak dira beretzat, irabazle edo winner nahi duen “bere” Frantziaren panoraman. Izugarriko gorroto bat dago Attalen neurrien eta hitzen gibelean. Gaizkitxo daude, jendeak, diskurtsoak sinesteak, planeta...

Hargatik, azken aste hauetan, udaberri goiztiar aire bat dabil kanpoan, -pizor urrina ere bai, egia erran!-, ohikoan baino gorago diren tenperaturekin, euri eskasiarekin eta ipar-ekialdeko haize finarekin. Hor dira zuhaitzen eta landareen muskil ausartak sortzen, borobiltzen, jazartzen, i...

Baxe Nafarroako haur kantu txapelketa Aiziritzen iraganen da, apirilaren 7an. Bakarka, binaka, taldeka, akapela ala musikaz lagundurik, 6-15 urte artekoeri zuzendu saioa da.

Izenak otsailaren 16a aitzin eman behar dira kantuxapelketa@gmail.com edo Irulegiko Irratira deituz 05-59-37-14-11.

Lapurdiko haur kantu txapelketa, maiatzaren 5ean Larresoron izanen da. Izen emaiteak martxoaren 15a arte egiten ahal dira. Bakarka, binaka, taldeka, musikaz lagundurik ala akapela, deneri idekia, 6-15 urte artean. Izena emaiteko oigureirratia@gmail.com edo 05-59-59-30-01.

Urtarrilaren 25ean, ostegunez, 23. Korrikak "Azterketak euskaraz" kolektiboa omendu du, Hondarribiko Itsas Etxea auditoriumean.

Seaskako kolegioak eta lizeoko kideak gomitatuak izan dira bertan izateko.

Lehenik, ekitaldiari Haira Aizpuruaren bertsoek dute harrera eman, Joanes Echeveste animatzaileak hitza hartu aitzin.

Seaskako lehendakaria den Peio Jorajuriak Iparraldeko azterketen egoeraren berriak eman ditu zuzenean eta ondotik "Azterketak euskaraz" kolektiboko kidea den Odile Faltxa mintzatu da.

Segitzeko, Lander Garrok zuzendu duen "Oihaletxea" dokumentala aurkeztu du, publiko zabalari erakutsi aitzin.

Azterketak euskaraz kolektiboa egiten ari den borroka gogorra izan da eta izaten ari da.

AEKkoek Seaskako lizeoa eta kolegioetako heldu bat eta ikasle bat ezenatokira igoarazi dituzte, egiten duten lana ohoratzeko. Bertan ikastegi bakoitzaren arduradunei Korrika oroigarri bat eskainia izan zaie. Izan dadila oroigarri xumea egin lanaren aitortza...

Eguberriko, Donostei eskolako CP, CE1, CE2, CM1 eta CM2ko ikasleek opari ederra ukan zuten.

Lehenik, Olentzerok gutun bat ekarri zuen eta barnean puzzle zatiak baziren… gure opariaren lehen partea zen.

Bizpahiru egun berantago, Bizar Xuri ere eskolatik pasatu zen eta berak ere gutuna ekarri zuen, puzzlearen beste zatiekin… opariaren bigarren partea zen!

Horra gure oparia: “Dome” bat etorri zen eskolarat! Kirol gelan, toki handia hartzen zuen. Barnean sartu ginen eta Eric-en esplikapenekin planetak begiratu ginituen. Gauza anitz ikusi ginituen: planeten lekua espazioan, konstelazioen izenak, ipar poloa eta hego poloa, eguna eta gauaren segipenak…

Saioa bukatu zen marrazki bizidun batekin, biziki ederra zen, pinguino batek eta hartza xuri batek esplikatu zaukuten nolaz gaua luzeagoa zen polo batean bestean baino.

Milesker Olentzero eta Bizar Xuri!

Duela hogei urte bederen, gure kantu taldearekin Venezuelara joan ginen. Hango musika talde batek gomitaturik, bizpahiru kontzertu bagenituen Caracasen, bai eta beste herri batean, Valentzian.

Bigarren kontzertuaren ondotik, hango antolatzaileek Caracaseko Euskal Etxean afaria prestatu ziguten. Ontsa gogoratzen baniz, etxe handia eta ederra zen, kristal zabalekin lorategiari begira, herri barnetik aski urrun den auzo batean. Igerilekua eta ezker pareta ere baziren, azken hau uste dut Jai Alai deitua. Leku hori, hiri barnea ez bezala, biziki goxoa, lasaia eta baketsua iruditu zitzaigun. Gaualdi horretan ez ginen bakarrik. Dozena bat jende bazen, gehienak emazteak, xaharrak, elkarrekin biltzeko usaia bazutenak, beren etxean bakarrik ez egoteko. Haien aitzinean, betiko abestiak kantatu genituen. Batzuk lagundu ziguten, gehienek malkoak begietan zituzten.

Emazte bat jin zen niregana, bere semearekin eta euskaraz erran zidan Ezpeletakoa izanik sortzez, aspalditik han bizi zel...