Duela lau urte, aurten baino %52,8ez handiagoa izan zen posta bidez bozkatu zutenen kopurua, baina pandemia garaia izan zen, beraz datuak ezin dira konparatu. Igandeko Eusko Legebiltzarrerako hauteskundeetan 54.559 pertsonek posta bidez bozkatu dute. Horrek erran nahi du bide hori hautatu duten boto-emaileen kopuruaduela lau urtekoa bainotipiagoadela.

Erasoa Barakaldon gertatu zen, mitina bururatu berritan eta EiTBko hauteskunde eztabaidara zihoala, 49 urteko gizon bat Pradalesen gana (PNV) hurbildu zen eta piperbeltz gasa bota zion. Lehen informazioen arabera, erasoak ez zuen motibazio politikorik. Barakaldon arrastatu gizona epailearen aitzinera eramana izan da.

Bestalde martxoaren 20an, Zuzenbideko hainbat ikaslek, Foru Parlamentuko bisita liburuan Chiviteri (PSOE) irain egin zioten. Nafarroako presidentearen kontra egin erasoa Nafarroako unibertsitateak ikertuko du.

ETA talde terroristatzat jotzen ote duen galdetu ziotenean Pello Otxandiano EH Bilduko zerrendaburuari, “talde armatua” izan zela erantzun zuen, "ikuspuntu ezberdinen" mende dagoela terroristatzat jotzea ala ez. Testuinguru horretan, terrorismoaren biktimen elkarteek, hala nola Covitek, Fernando Buesa Fundazioak eta AVTk, Otxandianoren kontra egin dute.

Bere aldetik, Espainiako Gobernuak ere gogor egin du Otxandianoren kontra. Pilar Alegria ministro bozeramaileak adierazi du "koldarra" eta "erabateko mespretxua" dela biktimentzat, bai eta euskal eta espainiar jendartearentzat, ETA "talde terrorista" izan zela ez onartzea. "Gure herriaren eta demokraziaren historiarekin bateraezina den negazionismoa da", gaineratu du. Iñigo Urkullu Eusko Jaurlaritzako buruak adierazi du: “Behar-beharrezkoa da behingoz EH Bilduk ETA izan zena gaitzestea. Nire buruari galdetzen diot ea benetan hori den EH Bilduk sustatzen duen ziklo aldaketaren adibidea". Mikel Otero EH Bilduren Arabako ha...

Galdeketa egin dute Igeldon eta tokiko entitate xume gisa izateari baiezkoa eman diote herritarrek, botoen. Igeldon erroldatutako 16 urtetik gorako 984 igeldoar bozkatzera deituak ziren, 462k botoa eman dute (%46k). Baiezkoak 391 (%84,6) izan dira, ezezkoak 65 (%14), 4 boto zuri eta 2 boto baliogabe. Emaitzak eskutan hartu eta, Gipuzkoako Foru Aldundiari igorriko diote txostena, erabakia foru dekretu bidez jaso dezan.

Indarkeria matxistaren 600 biktima baino gehiagok lortu dute Diru Sarrerak Bermatzeko Errenta (DSBE) jasotzea, beren erasotzaileengandik urrun bizitzeko aukera kontutan hartuz, euskal sistemaren legea Eusko Jaurlaritzako Lan eta Enplegu Sailak eman datuen arabera. Duela urtebete, iazko martxoaren 29an, legea indarrean sartu zen. Araudiak genero indarkeriaren biktimak, laguntzeko legea biktimentzako baldintzak malgutu zituen eta ondorioz, emendatu egin da babestutako emazteenkopurua. Legeak indarrean eman dituen lehen 12 hilabete hauetan, tratu txarren 513 biktima hurbildu dira. Emazteei bi baldintza baino ez zaie eskatzen: EAEko Herriko Etxe batean erregistratua eta biktima izatea. Legearen lehen urte osoaren hestean, 57.941 dosier aktibo zeuden, 2023ko apirilean baino 6.427 gehiago.

2.000-3.000 laborari eta abeltzain Iruñean bildu dira, sindikatuetarik bereiz Semilla eta Belarra Nafarroako laborantzako profesionalen elkarteak eta 6F plataformak deituta. Laborantza sektorearentzat errespetua eskatu dute. “Botere ekonomiko handiek laborantza sektorea kontrola ez dezaten gaude hemen, herritarren babesa eta gertatzen ari denaz jabetzea” eskatu dute. Josean Etxeberria baserritarrak deklaratu du: ''Ekainaren 1ean muga guziak hesteko asmoa daukagu'' iparraldeko eta Kataluniako laborariei elkartuz Jose Chocarro deitzaileen bozeramaileak adierazi duenez, orain arte "dena hitz onak izan dira, baina oraindik ez dugu ezer sinatu".

LAB sindikatuak, jakinarazi du 50. urteurrena ospatzeko antolatu duen ekitaldian, mende erdiko historian lehen aldiz 50.000 afiliaturen kopurua gainditu duela. Sindikatuko 400 bat kide eta LABeko idazkari nagusi izandakoak, Rafa Diez eta Ainhoa Etxaide, egon dira ekitaldian, baita egungo koordinatzaile orokorrak diren Igor Arroyo eta Garbiñe Aranburu. Biek azpimarratu dutenez, sindikatua helburu gisa, "tresna moduan" ikusten dute. Sindikatuaren sorrera eta 50 urteotako ibilbidea zuhaitz baten hazkundearekin konparatu dute. LABek jarritako hainbat hazi, dela nazio, dela klase kontzientziarena eta feminismoarena, ondu zirela, eta hazi horrek sustraiak bota zituela azaldu dute. Arroyo eta Aranbururen erranetan, LABek defendatu ideietako anitz euskal sindikalismoan nagusi bilakatu dira, horien adibide aipatu dituzte izaera soziopolitikoa, kontraboterea, independentismoa, sindikalismo feminista edota sindikalismo antirrazista.

Indarkeria matxistaren testuinguruan, gizon batek umezurtz utzitako adingabeei biktima zuzen gisa aitortzeko eta egin kaltea konpontzen laguntzeko diru laguntzak emanen ditu Eusko Jaurlaritzak. Laguntza 25 urtera arte luzatuko da, ikasketak egiten dituztenentzat edota mendekotasuna ala desgaitasuna aitortuta dutenentzat. Gainera, azken bi kasu horietan zenbatekoa bikoitza izanen da (11.520 euro). Dekretua Estatuko Aldizkari Ofizialean argitaratu ondotik laguntzak eskatu ahalko dira. 18 urtez beherako umezurtzek 5.760 euro jasoko dituzte urtero, Nerea Melgosa Eusko Jaurlaritzako Berdintasun, Justizia eta Gizarte Politiketako sailburuak adierazi duenez, "beste urrats bat da indarkeria matxistaren biktima adingabeak laguntzeko eta babesteko".

40 urte dira Kortatu taldeak lehen kontzertua eman zuenetik, 34 urte Negu Gorriak lehenengoz taularatu zenetik eta 13 urte Fermin Muguruza irundarra agertoki batera azkenekoz igan zenetik. Gaur, bere 61. urtebetetzearekin bat, Muguruzak iragarri du berriz oholtzan agertuko dela musika partekatzera, zentsuraren eta azkenaldian herri gisa jasaten ari garen eskuin muturraren erasoen aurkako festa izanen den gaualdi batean.