Maiatzaren 20an Mendekoste asteleheneko beila Ainhoan eta Galbario arraberrituaren benedizionea iraganen da. Mendekoste astelehenez, prozesioa Ainhoako elizatik abiatuko da (9:00), Arantzetako Ama Birjinaren kaperaraino. Meza (10:30) euskaraz ospatuko da. Aurten Dominique Cornu apeza izanen da beila-buru, bere Urrezko Jubileua dela-eta, 50 urteko apezgoa.

Mezaren ondotik, gazteen edanlekuan, beilariek beren egarria asetzen ahalko dute, Atsulai mendiaren gainaldeko bazter zoragarriari begira, 389 metroko goratasunean.

Bi aldiz berreraikia izan zen kapera 1793 eta 1813an Jan Battitt Beherekoetxe (1745-1825) herriko ermitaren eskuetarik, inguruko artzain gazteei irakurtzen irakasten zen tokia. Kaperako bidean dauden hamalau gurutzeak 1886an eraikiak izan ziren eta "Hiru Gurutzeen Galbarioa" 1898an.

Beilaldian, Ainhoako Kaperaren Adiskideen elkarteak berriki osoki zaharberritu duen Galbarioaren oinean miretsi eta otoitz egiten ahalko da.

Xehetasunak: paroisse.cambo@gmail.com edo 05-59-29-73-18.