“40 urte eta aldapan behera niek!”

Maiatzaren 14an (20:30), Baionako Hizkuntza Politika zerbitzuak, EKEren partaidetzarekin, Ion Martinez “Txiki” umorista Luna Negra antzokira gomitatzen du. Bertan, “40 urte eta aldapan behera niek!” bakarrizketa saioa eskainiko du. Ikusgarri umoretsua galdera anitzen inguruan oinarritzen da:

“Supositorioen belaunaldikoa zira? Ez ahal dituzu parrandako kantuak ezagutzen? Su ta Gar entzuteari utzi eta Erramun Martikorena entzutera pasa ahal zira? Poteatzera beharrean, herriko pastizerian arratsaldea lagunekin pasatzen duzu? Bestetako gazte bazkarian zaharra sentitzen zira? Etxean telebistari mintzatzen hasi zira?”. Txiki aktoreak galdera haueri erantzunen dio, umoreak behar duen lekua ukanen duela.

Phoenix belaontzia Baionako portuan

1929an Danimarkan eraiki itsasontzia, Morbihaneko Quiberondik etorri da, Pasaiara buruz joan da. Maiatzaren 1ean Baionako portura hurbildu da, zenbait egunez hor gelditu da. Belaontzi hau, 35 metro luze ditu, zortzi laguneko eskifaiak kudeatzen du, lau marinel profesional eta “Voiles Océanes” elkarteko lau boluntariok.

Jendarte zerbitzuko boluntarioak

Jendarte zerbitzuarentzat, 2024-2025 urtearentzat, Herriko Etxeak gazteak bilatzen ditu, 16 eta 25 urte artean dutenentzat da, 30 urte arte elbarrituak diren pertsonentzat.

Lan kontratua: elkartasunaren, osasunaren, kirolaren eta ingurumenaren arloetan baliagarri izaiteko motibazioan oinarritzen da. Gazte horiek formazioa segituko dute, hilabetean 620 euroko ordainsaria eskuratuko dute. Urriaren 21etik 2025eko ekainaren 20a arte iraunen du. Izenak service-civique@bayonne.fr helbidera igorri behar dira.