Uztailaren 19an hasiko dira eta 23an bururatuko. Huna zoin izanen diren hitzordu nagusiak.

Ostiralean, pilota lehiaketako finalerdiak jokatuko dira trinketean (18:30). Ondotik, Amikuzeko ikastolak usaiako afaria (muskuiluak patatekin) eskainiko du merkatu estalian (20:00).

Ibiakoitzean, petanka lehiaketa antolatua da goizean (8:00) eta errubi taldeak mus zeingehiagoka proposatzen du (9:00) eta errekiak ondotik. Eguerditan Zangotzako delegazioaren harrera eginen da Herriko Etxean. Arratsaldean, dantza ibilaldia (16:00) eta ondotik "tout roule" lehiaketa famatua. Aperitifa denboran, txarangak ibiliko dira karriketan. Gauean, Janus Lester-en kontzertua (23:00) eta dantzaldia Begi Beltz taldearekin merkatu plazan (24:00).

Igandean, errebote finalerdia jokatuko da (10:30) pilota plazan. Eguerditan, Zabalik eta Eskukula taldeek bertso pintxo bazkaria antolatzen dute Touzaa etxeko parkean. Irantzu Idoate, Bittor Thicoipe eta Eneko Abasolo "Abarkas" entzuten ahalko dira. Izenak aitzinetik eman behar dira 06-81-51-96-83 deituz. Arratsaldean, gazteen esku huskako finalerdiak jokatuko dira pilota plazan (16:30). Arrastiriko kantaldian lau talde entzuten ahalko dira merkatu plazan: Menditarrak (17:00), Saltoka (18:00),Gogotik (19:00) eta Demode Quartet (20:00).

Astelehenean, herriko adinekoen bazkaria (12:00) eta bizikleta lehiaketa (19:00). Arratsean, Kalakan taldeak, "Mugan" ikusgarri berria emanen du Saint-Louis zinegelan (20:30) Alaia Dantza taldearekin. Lehen partean Berçaits anaiak entzuten ahalko dira.

Asteartean, zurezko jokoak merkatu estalian (14:00) eta ondotik trotineta lehiaketa karriketan (17:00). Besten bururatzeko, gaualdia Edantza taldearekin (22:00) eta suziriak Biduzako zubi ondoan (23:00).