Eusko Jaurlaritzak merkatu libreko etxebizitzak erosi nahi ditu, parke publikoa handitu eta ondotik alokairu sozialera bideratzeko. Hala iragarri du Denis Itxaso Etxebizitza eta Hiri Agendako sailburuak. Horrela Eusko Jaurlaritza etxebizitza merkatuan sartuko da. Etxebizitza Sailak legegintzaldi berri honetan alokairurako 7.000 etxebizitza publiko merkaturatu nahi dituela aipatu du. Helburu hori lortzeko modu anitz egon daitezkeela erran du. Azaldu duenez, aukera bat erosketa zuzena izan daiteke, baina beste aukeren artean aipatu du promotoreek etxebizitza promozio bat aurrera eramateko zalantzak dituztenean, Eusko Jaurlaritzak adostu dezakeela saltzen ez diren etxeak erostea.

Bilboko Herriko Etxeak etxebizitza sozialak dauden eraikinetan egoitza turistikoak debekatuko ditu. Hurrengo lau urteetan alokairu sozialeko 200 etxebizitza berri sortuko dituela ere abisatu du. Yolanda Diez Bilboko etxebizitzaz arduratzen den zinegotziak, "2024-2027 Udal Etxebizitzen Plan Estrategikoa" aurkeztu du. Neurri honen helburua da etxebizitza turistikoek Bilbon azken hilabeteetan ukan duten gorakada (%30 urte batean) gelditzea eta etxebizitzak ohiko alokairura bideratzea. Sailburuaren hitzetan, etxebizitza sozialak diren espazioetan, jarduera ekonomiko honek ez du zentzurik. Jendartean gaur egun dagoen galdea nagusienetako bati erantzun nahian, Herriko Etxeak bestelako neurriak ere hartuko ditu. Dagoeneko, hiriak alokairu erregimenean 4.200 etxebizitza publiko baino gehiago baditu alokairu moldean. Diezen arabera, bozkatu plana bururatzean, alokairu eskuragarria ukanen duten 4.430 etxebizitza izanen dira. Horrez gain, zinegotziak jakinarazi du datorren irailetik...

Jon Hernandez Sumar alderdi politikoko legebiltzarkideak ekimen bat erregistratu du Eusko Legebiltzarrean, Jaurlaritzari tasa turistiko bat abian jar dezan eskatuz. Gaualdien gaineko zerga proposatu du, bisitari gehien dituzten herrietan. Hernandezek azaldu duenez, proposamenaren helburua turismoak sortzen dituen gastu gehigarriei aurre egitea litzateke, garbiketa, garraio eta segurtasun zerbitzuekin lotu gastuak, besteak beste. Hernandezek gogoratu du EAJk, PSE-EEk eta PPk behin baino gehiagotan errefusatu dituztela zerga turistikoak ezartzea, turismo sektoreak egin presioagatik.

Imanol Pradales Jaurlaritzako lehendakari berriak jakinarazia du osasun arloa lehenetsiko duela eta arreta berezia eginen diola. Arnaldo Otegi, EH Bilduko bozeramaileak, posible ikusten du Eusko Jaurlaritzarekin osasun ituna adostea. Badaki akordioa ez dela %100ean EH Bildu alderdiaren gustukoa izanen, baina aurrera egin beharra defendatu du. EH Bilduko koordinatzaile nagusiak gaineratu du: "Gauzak ezin dira okerrago egin, hortaz hobetu egingo dira". Lehendakari berriaren moldeak eta jarrera azpimarratu ditu, aitzineko lehendakariari zuzenean kritikarik egin gabe. Imanol Pradalesen eta Iñigo Urkulluren artean "funtsezko" desberdintasunak daudela adierazi du. Otegik txalotu egin du Pradales lehendakariak Osakidetza aldatzeaz eta herri itunez hitz egitea, bai eta sindikatuekin elkartzea. Ildo horretan, espero du Pradalesen gobernu berriak Osakidetzaren "pribatizazioa" eta "prekarizazioa" eragin duten EAJren eta PSE-EEren aurreko koalizioen...

Euskal Autonomia Erkidegoko laborariei Eusko Jaurlaritzak 40,3 milioi euroko diru laguntzak ematea onartu du. Orotarat zuzeneko laguntzak 7.112 laborarik eskuratu dituzte: 1.634k Araban, 2.546k Bizkaian eta 2.932k Gipuzkoan. Zenbateko guziaren erdia baino gehiago Arabari dagokio (22,8 milioi euro), %24 Gipuzkoari (9,6 milioi euro) eta %19 Bizkaiari (7,8 milioi euro). Elikadura, Landa Garapen, Nekazaritza eta Arrantza Sailak falta diren diru laguntzak ordaindu ditu eta 2023an laguntza eskatu zuten ustiategietako titularrek orain eskuratu dituzte. Europako Batasuneko funtsetatik datorren dirua da eta hiru foru aldundien bidez banatuko da.

Joan den astean dozena bat izurde agertu dira Pasaiako portuko uretan. Badiaren erditik egin dute igerian. "Arrainen atzetik dabiltza" diote adituek. Bizilagunen artean arrain horiek itsasotik portura taldean sartu direlarik ikusmina sortu du. Batzuk argazkiak atera dituzte, besteek bideoak eta ontzi ttipia zuten batzuk erabaki dute itsasora ateratzea, izurdeak hurbil-hurbiletik ikusteko. Animaliak beldurtu egin dira eta Oiartzun ibaiaren ahorantz abiatu dira, bai eta Lezo eta Errenteria (Gipuzkoa) aldera.

Espainiako estatuko erkidegoek bidaiderik gabeko 400 adingabe migratzaileren borondatezko banaketa adostu dute. Baina Espainiako Gobernuak dagoeneko ohartarazi du kopuru hori ez dela nahikoa, gaiari lege aldaketa batekin lortzeko premia berretsi du. Aurrez iragarri bezala, Hego Euskal Herrira 33 adingabe migratzaile helduko dira, 18 Euskal Autonomia Erkidegora eta 15 Nafarroara.

Demografikoko Nerea Malgosa jaurlaritzako sailburuak azpimarratu duenez, migrazioaren fenomenoa, baita adingabeena, "errealitate estrukturala da, ez eta noizean behinekoa, beraz adingabeen giza eskubideen urraketak saihesteko lehentasunetako bat izango duen egitura plana planifikatu eta antolatzea exijitzen du".

Azti euskal zentro zientifikoak egin ikerketa baten arabera, antxoak egoera onean jarraitzen du. Antxoaren biomasa Bizkaiko golkoan 143.000 tonakoa da. Hain zuzen ere, espezie horren jasangarritasuna bermatzen duen batezbesteko historikoaren gainetik da beraz. Eusko Jaurlaritzakjakitera eman duenez, Bioman ikerketa zientifikoaren behin-behineko emaitzak dira. Horren arabera, datuek argi adierazten dute gure lurraldean antxoak egoera onean jarraitzen duela, gogoan izanda arrantzarako eta ekonomiarako Kantauri itsasoko baliabide garrantzitsuenetarikoa dela. Horren hitzetan, "Aztiren datuen arabera, antxoaren iraunkortasuna bermatua da, argi baita populazioaren muga biologikoa markatzen duen 21.000 tonatik gora dela. Are gehiago, azkenaldiko datuek nabarmen gainditzen dute kanpaina honek 1987an hasi zenetik dokumentatu duen 80.000 tonako batezbesteko historikoa da".

Euskadin 3.500 pertsona baino gehiagori lana ematen dion baliabidea dela errana da. Emaitzak onak...