Herriz Herri - Baigorri (NB) | 2024ko Maiatzaren 23a

Heriotze - Sortze - Tafallan besta - Lakuaren bisita - Pilota Urepelen - Dantzaldia

Heriotze%20-%20Sortze%20-%20Tafallan%20besta%20-%20Lakuaren%20bisita%20-%20Pilota%20Urepelen%20-%20Dantzaldia

Heriotze

Gastigarreko Monique Miura (Inçaurgarat sortua) pausatu da 93 urtetan. Doluminak Daniel, Pierre, Michel, Jeanine eta Mireille seme-alaberi eta familia guziari.

Etxarteko Jeanne Arambel (Laxague sortua) zendu da 75 urtetan. Doluminak Daniel, Claire eta Peio seme-alaberi eta familia guziari.

Baigorrin erretiratua zen Marcel Cordoin (Parisen sortua), 84 urtetan pausatu da. Doluminak Bleuette alarguntsari eta bi semeeri.

Sortze

Aitzineko egunetan biga ukan ditugu:

Xalbat sortu da Melissa Beauvais eta Laurent Casenaveren familian. Bigarren haurra. Behereko karrikako lehengo Errekaldenean bizi dira.

Joaquim ttipiari ongi etorria egin diote Marie Lapergue eta Lionel Bentatak. Okozen, Kortea pareko bizitegi arraberrituan dute egoitza. Goresmenak buraso gazte horieri.

Tafallan besta

Gure herriarekin parekatua izanik, baigorriar multxo pollita Tafallara doa ibiakoitz huntan, hango euskal besta edo jaian parte hartzeko. (12.00) “Kalejira erraldoia” edo musikari eta dantzarien ibilaldia hiriko karriketan. (13.30) Erakustaldiak, herri kirolak barne. (15.00) Bazkaria eta arratsez kontzertuak.

Lakuaren bisita

Ibiakoitz huntan, maiatzaren 25ean, Borzirietako harrobi ohiaren bazterrean den lakua ezagutzeko gomita egiten dauku CPIE egiturak. Lekuaren baloratzeko egin diren azterketak presentatuko dira (geologia, fauna edo aberedia, flora edo landaredia). Hitzordua Herriko Etxean (10.00). Ondotik, tokiaren bisita.

Pilota Urepelen

Bere sortzearen ehungarren urtekari, Zaharrer Segi elkarteak hilabetero animazioak proposatzen dauzkigu eta ibiakoitz huntako marka egunean, maiatzaren 25ean, pilota partidak antolatzen ditu Urepeleko ezkerparetan. (11.00) Gazteak esku-huska (11:00), atxiki ttipiko finalaren errebantxa (12:00): Riouspeyrous anaiek / Bixente Isoco - Paxkal Duteyk jokaturik.

Dantzaldi

Arinki elkartea antolatzaile, dantzaldia iragaitekoa da igande huntan, maiatzaren 26an, Plaza Xokon (15.00), Arno Bidart-ek animaturik.

Email Buffer Facebook Google Twitter Pinterest LinkedIn Digg StumbleUpon Tumblr

3749. zbk

Gure Hitza | 2024/05/23

Zuziaren trosta

Peio Jorajuria

Uztail hondarrean baizik ez dira hasiko Parisko Olinpiar Jokoak, baina haien inguruko sukarra jadanik azkarki hedatzen ari da, zuzia dela medio. Hauxe argi dezagun haatik lehenik, eskutik eskura garraiatzen den sugarra tortxa edo zuzi olinpikoa deitzen da (flambeau), aldiz jokoen denboran tokian berean egonen denari su olinpikoa erraten zaio (flamme). Zuziak Greziatik egin du bide Mediterraneoan barna Marseillaraino, Belem belaontzian, Baionako portuan denboran ikusteko zortea ukan dugun ontzi miresgarrian. Eta geroztik frantses lurraldean barna badabil, toki harrigarri batzuetatik pasatuz, hala nola Bigorrako Pic du Midiren kaskotik eta Lascaux-ko leizeetatik.

Ipar Euskal Herritik ere iragan da Mendekoste astelehenez, Donibane Lohizune, Miarritze, Angelu, Baiona eta Hazparnetik, Pirinio Atlantikoetako Departamenduak 180.000 euro xahutuz horretarako. Aldi berean, Herri Urratsez depart...

Irakurri segida


Gurekin harremanetan sar




segurtasun kodea

Herria Euskal Astekaria - Imprimerie du Labourd - Cazenave bidea, 29 - 64100 BAIONA | tel: 05 59 25 62 85 | Legezko oharrak | Diseinua eta programazioa: iF Diseinuak - 2016