Herriz Herri - Baiona (L) | 2024ko Maiatzaren 23a

Hiru emazte kantari - Enara eta Biez Bat kontzertua - Har-Eman ekimena - Auzolan eguna - Haurrak euskal literatura ezagutu

Hiru%20emazte%20kantari%20-%20Enara%20eta%20Biez%20Bat%20kontzertua%20-%20Har-Eman%20ekimena%20-%20Auzolan%20eguna%20-%20Haurrak%20euskal%20literatura%20ezagutu

Hiru emazte kantari

Ostiral huntan Biltxokon (19:00), Naia Robles Arangiz, Maialen Alfaro eta Maider Bedaxagar kantariek, Estitxu, “Maite Idirin eta Lurdes Iriondo oroimenez” ikusgarria emanen dute.

Enara eta Biez Bat kontzertua

Maiatzaren 25ean (20:30), San Andres elizan Enara emazte eta Biez Bat gizon abesbatzak entzungai izanen dira. Sartzea prezio librean, bakoitzak nahi duena emanen du.

Har-Eman ekimena

Artea eta osasun mentala lotzen duen proiektua da. Kiribil konpainiak 2 urtez tailer artistikoak eraman ditu, arlo desberdinetan (antzerki, dantza, musika...) arazoak dituzten jendeekin eta elbarrituekin. Eraman lan horren agertzeko ordua etorri da, ekainaren 8an, larunbat goizez merkatuan ibiliko dira musikan eta Jacques Portes plazan beraien ikusgarria eskainiko dute.

Desberdintasuna aipatzeko eta onartzeko parada ona.

Auzolan eguna

Ekainaren 15ean, larunbatarekin, Aldak “Auzolan - Etxebizitza eskubidearen eguna” antolatzen du. IUT eskolan mahai ingurua iraganen da (15:00), Patxa Plazan elkarteen herrixka: erakusmahaiak, ostatu eta animazio desberdinak. Arratsean (20:30) kontzertuak iraganen dira, Nat eta Watson eta Andoni Oilokiegi besteak beste entzungai izanen dira.

Haurrak euskal literatura ezagutu

Maiatzaren 29an, asteazkenez (10:30), Gurutze Sainduko mediatekan, urte bat eta 5 urte arteko haurrentzat euskarazko irakurketa proposatua da. Literaturaren euskarazko sorkuntzaren unibertsoa ezagutarazteko xedea du, aukera ona da euskara biziarazteko belaunaldi berriarentzat.

Email Buffer Facebook Google Twitter Pinterest LinkedIn Digg StumbleUpon Tumblr

3749. zbk

Gure Hitza | 2024/05/23

Zuziaren trosta

Peio Jorajuria

Uztail hondarrean baizik ez dira hasiko Parisko Olinpiar Jokoak, baina haien inguruko sukarra jadanik azkarki hedatzen ari da, zuzia dela medio. Hauxe argi dezagun haatik lehenik, eskutik eskura garraiatzen den sugarra tortxa edo zuzi olinpikoa deitzen da (flambeau), aldiz jokoen denboran tokian berean egonen denari su olinpikoa erraten zaio (flamme). Zuziak Greziatik egin du bide Mediterraneoan barna Marseillaraino, Belem belaontzian, Baionako portuan denboran ikusteko zortea ukan dugun ontzi miresgarrian. Eta geroztik frantses lurraldean barna badabil, toki harrigarri batzuetatik pasatuz, hala nola Bigorrako Pic du Midiren kaskotik eta Lascaux-ko leizeetatik.

Ipar Euskal Herritik ere iragan da Mendekoste astelehenez, Donibane Lohizune, Miarritze, Angelu, Baiona eta Hazparnetik, Pirinio Atlantikoetako Departamenduak 180.000 euro xahutuz horretarako. Aldi berean, Herri Urratsez depart...

Irakurri segida


Gurekin harremanetan sar




segurtasun kodea

Herria Euskal Astekaria - Imprimerie du Labourd - Cazenave bidea, 29 - 64100 BAIONA | tel: 05 59 25 62 85 | Legezko oharrak | Diseinua eta programazioa: iF Diseinuak - 2016