Herriz Herri - Baiona (L) | 2024ko Ekainaren 06a

Erakusketa - Euskal dantza eta parekidetza - Bozka bulegoeta laguntzaile beharra - Bestetako sartzea

Erakusketa%20-%20Euskal%20dantza%20eta%20parekidetza%20-%20Bozka%20bulegoeta%20laguntzaile%20beharra%20-%20Bestetako%20sartzea

Erakusketa

Maiatzaren 30etik uztailaren 4a arte, 26 artistek osatu Ur Taldeak erakusketa antolatzen du Kalostrape ostatuan. Obren salmentatik bildu dirua Harrera elkartearentzat izanen da. Harrera elkartearen helburua da euskal preso eta erbesteratuak laguntzea.

Euskal dantza eta parekidetasuna

Euskal Herrian, joano eta herri gehiago badira euskal dantzak genero berdintasunaren ikuspegitik berrikusten ari direnak. Gai horren inguruan, Angeluarrak taldeak eta Patxondok solasaldi eta film proiekzioa ekainaren 8an Patxa plazan antolatzen dute. Zintzur bustitze alaitua (19:00), trukaketa mementoa (20:30) eta “Jantzari: tradizioa eta parekidetasuna” dokumentala, Unai Esturo egilearen azalpenekin.

Bozka bulegoetan laguntzaile beharra

Europako hauteskundeentzat, Herriko Etxeak, hiriko 30 bozka bulegoen atxikitzeko borondatezko pertsonak bilatzen ditu. Egun erdiko itzuliak dira, Baionako bozka zerrendetan izan behar da, interesatuak elections@bayonne.fr edo 05-59-46-60-44 izena eman lezake.

Bestetako sartzea

Joan den astean herriko kontseiluak bozkatu du herriko besten sartzea 15 eurotara pasatzea. Oposizioko hautetsiak erabaki horrekin kontra agertu dira.

Oroitaraz dezagun aurten bestak usaian baino goizago iraganen direla, uztailaren 10etik (17:00), uztailaren 14a arte. Sartzea ostiraletik harat pagatuz izanen da. Sartzea herritarrentzat, sokorritzaileentzat, segurtasun zaindarientzat, komertsanteentzat eta 16 urtetik beherakoentzat kitorik da. Aldiz beharko dute eskumuturrekoen bila joan, Baionan bizi edota lan egiten dutela frogagiria erakutsiz. Posta bulegoetan edo passfetes.bayonne.fr bidez emanak izanen dira.

Email Buffer Facebook Google Twitter Pinterest LinkedIn Digg StumbleUpon Tumblr

3751. zbk

Gure Hitza | 2024/06/06

Eta bihar, gu izanen bagina?

Ainhoa Etchenique

Maiatz hasieran, Pasaiara joan nintzen immigranteak itsasoan salbatzen dituen Aita Mari itsasontzira. Alpha Diallo boluntarioak ontzia bisitarazi zidan, eta bukaeran bere ohea ikusi nuen. Hark biziki handia eta ona atzematen zuen, nik berriz ttiki eta hertsia. Elkarren gaineko oheak zituen hiru paretaz inguraturik, gainekoan bere aferak uzten zituen, eta azpikoan lo egiten zuen. Ohea ez zen luzea, etzatean ez dut uste hankak luzatzen ahal zituenik. Galdegin nion nola egiten ote zuen lo egiteko, ezinezkoa iduritzen zitzaidalako. Erantzun zidan hark izigarri untsa lo egiten zuela, nahiz eta gutti lo egin. Esplikatu zidan bizkar gainean lo egiten zuela, besoa buru gainean, itsasoa kexu denean, burua paretaren kontra ez jotzeko. Antsietatea sortu zidan pentsatzeak bakarrik! Alpha Diallo aldiz, bere ganbaraz biziki uros zen. Segidan pentsatu nuen pertsona horiek izigarrizko meritua zutela. Eta ni, luxuzko bizi bati usatuegia?

Aita Mariko boluntarioekin eto...

Irakurri segida


Gurekin harremanetan sar




segurtasun kodea

Herria Euskal Astekaria - Imprimerie du Labourd - Cazenave bidea, 29 - 64100 BAIONA | tel: 05 59 25 62 85 | Legezko oharrak | Diseinua eta programazioa: iF Diseinuak - 2016