Herriz Herri - Bastida (NB) | 2024ko Ekainaren 13a
Inesa de Gaxen pastorala
Asteburu huntan, bi egunez segidan Inesa de Gaxen pastorala emana izanen da (15:30). Bi egun horietan aktoreak eta musikariak herriko karriketan zehar ibiliko dira (11:00).
Les Arceaux, Les Gamins eta Trinketa jatetxeek bisitarieri otorduak eskainiko dizkiete, bai eta pilota plazan jatekoa eta edatekoa proposatua da.
Herritik hurbil aparkalekuak izanen dira, joan-etorrieri esker, oinez ibiltzeko zailtasunak dituzten pertsonak ikuskizunaren sarreratik hurbil utziak izanen dira.
Txartelak HelloAssoren bidez erosten ahal dira, bai eta Baionako Elkar liburu-dendan eta Ipar Euskal Herriko turismo bulego guzietan.
Aldi huntan joaiten ahal ez denak jakin dezala irailaren 21 eta 22an (15:30) berriz Bardozen emana izanen dela.