Herriz Herri - Donibane Garazi (NB) | 2024ko Ekainaren 13a
"Baserri eremua berritu" - Jondoni Joaneko suak - Liburu izenpetze
Baserri eremua berritu
Akitania Berriak antolaturik, Garapen eta Berrikuntza Agentziaren laguntzarekin (ADI), ekainaren 26an (17:30), hautetsiak, enpresaburuak, laborariak eta elkarteetako ordezkariak gomitatuak dira,
“Baserri eremua berritu” deitu jardunaldira. Helburua da Akitania Berriko lurraldean egiten diren ekimen berritzaileak sustatzea, bereziki Ipar Euskal Herrian. Tokiko eragileak inspiratzeko, proiektu eta lorpen arrakastatsuetatik ikasteko aukera emaiten du, bereziki baserri eremuetan plantatzen eta garatzen diren enpresen estrategiak hobeki ulertzeko.
Laurent Inchauspe (herriko auzapeza), Emilie Dutoya (Akitania Berriko kontseilaria) eta Vincent Bost (ADIko zuzendaria) ekitaldiaren hasiera eginen dute. Ondotik mahai inguruak iraganen dira.
“Tokiko baliabideak mobilizatu berrikuntza bultzatzeko” (18:00): Jean Delatour “Tokilia”-ko zuzendaria, Fabrice Sorhouet “Somocap” enpresako presidentea, Marie Hiriart-Carriat “Tannerie Carriat”-eko presidentea, Hervé Boissinot “Okina” bixkotx enpresako zuzendaria eta Mixel Goikoetxea “Bankako amuarrain” lantegiko arduraduna.
“Tokiko baliabideekin barnealdea berrasmatu” (18:45): Sonia Martin del Campo “Tequio” kooperatibako presidentea, Cyril Arhie Mendikotako auzapeza, Eñaut Jolimon Alki kooperatibako zuzendaria eta Carole Iriart Luhusoko auzapez-ordea.
“Zer aukera lurralde-garapen arrakastatsu baterako?” (19:15): Alain Rousset Akitania Berriko presidentea, Battitta Boloquy Garapen Kontseiluko zuzendari ohia eta Julien Szabla Nobatek-eko zuzendaria.
Eguna bururatuko da hurrupaldi batekin. Izena eman behar da ekainaren 21a aitzin, 300 pertsonentzat tokia mugatua da.
Jondoni Joaneko suak
Ekainaren 22an, larunbatarekin, Eiheraberri auzoan, Jondoni Joane kari animazio desberdinak proposatuak dira. Bazkaria (12:30), lekua atxikitzeko 06-13-69-25-75 deitu behar da, mutxikoak (17:00) eta Jondoni Joane suak (20:00). Euria balitz merkatu estalian litzateke.
Liburu izenpetze
Ekainaren 22an Itxaro Borda eta Patxiku Urrangak Garaziko prentsa saltegian beren liburuak izenpetuko dituzte (17:00-19:00).