Agorrilean langabezia %3,05ez emendatu da Araban, Bizkaian eta Gipuzkoan. 3.298 langabe gehiago kontatu ditu Lanbide Euskal Enplegu Zerbitzu Publikoak, eta orotara 111.363 lagun daude lanik gabe.

Nafarroan, aldiz, ez da aldaketa handirik hauteman. Emendatzea %0,22koa izan da, hots, 66 pertsona gehiago.

Lanbidek eman dituen datuen arabera, azken urteetako agorrilik txarrena izan da aurtengoa lanari dagokionez, EAEn. 2010etik ez da hainbeste langabetu izan hilabete horretan.

Joan den igandean (09/08), herriko besten karietara, Hondarribiko alardea iragan da, eta lehen aldiz parte hartu ahal ukan du Jaizkibel konpainia parekideak Udalaren baimenarekin. Honela dio zenbait egun lehenago auzapezak hartua zuen ebazpenak: "Alkatetza honek, bere eskumenen barruan, gizarte aldaketa egokiak erraztuko ditu, alardea bereizi gabeko rolen bidez ospatzeko bidean aurrera egiteko".

Kasik hiru hamarkadaz ari izan da Jaizkibel konpainia alarde parekidearen alde borrokatzen, baina mugimendua abiatu zenetik joan den urtea arte EAJ zegoen agintean, eta ez zuen sekula aldarrikapena kontutan hartu. 2023an aldaketa gertatu zen Udalean, Abosanitz plataformak herriko agintea erdietsi ondoan. Igor Enparan da geroztik auzapeza, eta hark, iaz, Jaizkibeli harrera egin zion.

Hala ere, alarde parekidearen kontrako mezuak ozen entzun dira desfilean zehar eta alarde tradizionaleko kide bakar batzuk baizik ez dira agertu abiatzeko mementoan.

Konpainia parekidea...

Imanol Pradales EAEko lehendakariak eta Maria Chivite Nafarroako presidenteak lehen bilkura ofiziala egin dute irailaren 4an, Nafarroako Gobernuaren egoitza nagusian. Aipagai nagusiak finantzaketa eredua eta Abiadura Handiko Trenaren lanak izan dituzte. Halaber, bi erkidegoek 2021ean izenpetu lankidetza protokoloa ere berrikusi dute.

Lehenik, Chivitek hartu du hitza. Finantzaketari buruz erran du baiEAEko eta bai Nafarroako sistemak Espainiar Estatuko bertze erkidegoekin solidarioak direla, eta gai honetaz berriz agertzen ari diren eztabaiden aitzinean, "pedagogia" egitearen garrantzia azpimarratu du.

Pradalesek, berriz, bi sistemen "berezitasuna, elkartasuna eta kudeaketa zorrotza" nabarmendu ditu, eta "Estatuan ikusten ari garen demagogia eta populismo gero eta ugariagoa" arbuiatu ditu.

AHTri buruz, biek erran dute azpiegitura estrategikoa dela bi erkidegoen etorkizunerako, eta Espainiako Gobernuko Garraio Ministerioari beharrezkoak diren txosten teknikoak...

Mikel Torres Ekonomia, Lan eta Enplegu sailburuak bilkurak egin ditu nagusiekin eta sindikatuekin. Lehenik LAB, CCOO eta UGT errezibitu zituen, eta azkenik Confebaskekin eta ELA sindikatuarekin bildu da.

Nagusien arabera, Tamara Yague Confebaskeko presidentearekin izan den bilkura giro adeitsuan iragan da.

ELAk, bere aldetik, lan-osasuna lehentasun gisa ezartzeko galdegin dio sailburuari. Mitxel Lakuntza idazkari nagusiak parte hartu du bilkuran, eta Torresi erran dio beharrezkoa dela "fokua patronalean jartzea", honek uko egiten omen baitio negoziaketa kolektiboan oinarrizko hobekuntzak onartzeari.

Aitzineko egunetan LAB, CCOO eta UGT sindikatuetako ordezkariek langileek egin dezaketen presioa azpimarratu zuten, lan-baldintzetan hobekuntzak lortzeko molde bakarra dela ohartaraziz.

LABen izenean, Garbiñe Aranburuk enpleguaren kalitatea hobetzeko, soldatak duintzeko, 1.600 euroko gutxieneko soldata ezartzeko eta lanaldia murrizteko galdegin zuen.

Loli...

Udako oporrei agur erranik, joan den ortziralean itzuli dira EAEko haurrak eskolara. 358.463 ikasle dira ikasgelak bete dituztenak, ama-eskolatik lizeoko azken urteraino, sare publikoan eta itunpekoan.

2024-2025 ikasturtean ama-eskolan eta lehen mailan izen emateak %3z apaldu dira. Kolegio eta lizeoetan (batxilergoan), aldiz, zenbakiak joan den urtekoen hein berean gelditu dira. Haatik, lanbide heziketak emendatze argia ezagutu du. Aitzineko ikasturtean baino %6,18 gehiagok egin dute sare horren hautua, eta 48.772 ikasle ariko dira ofizio bat ikasten.

Hizkuntzari dagokionez, izen emateen %70a Dereduan (euskara hutsean) egin da, bi sareak kontutan hartuz. Sare publikoari bakarrik arreta ezartzen badiogu, ohartzen gira publikoan %94 direla D ereduan sartu direnak.

Eusko Jaurlaritzako ordezkariek ere, beren gisan ikasturte berria estreinatu dute, Zarauzko Orokieta Herri Eskolan egin duten agerraldiarekin. Imanol Pradales lehendakariak "autoexijenteak" izatea galdegin...

Iruñeko Alde Zaharrean apartamendu turistikoak mugatzeko neurriak indarrean ezarriko dituen lege egitasmo bat adostu dute Udaleko EH Bildu, PSN, Geroa Bai eta Zurekin Nafarroa taldeek.

"Prebentziozko hirigintza-aldaketa" gisa definitzen den hitzarmen honek auzoaren bizitegi eredua zaindu nahi du, hor dauden komertzioak defendatuz eta turismo eredu jasangarri bat sustatuz. Ekimen hau 2030eko Hiri Agendan azaldutakoaren ildotik doala azaldu dute talde eragileek.

Mementoan, 186 apartamendu turistiko daude Alde Zaharrean, auzoko etxebizitza guzien %2,8 eta hiri osoan dauden 337 egoitza turistikoen erdia baino gehiago. Azken bortz urteetan bakarrik, 90 bizitegi turistiko berri ezarri dituzte eta bertze 21 eskaera badira jadanik eginak.

Hitzarmenaren oinarri den dokumentuan ohartarazten den bezala, apartamendu turistikoen heinaetxebizitza iraunkorreko eskaintzaren arabera handiegia denean, tentsioa gertatzen da, bereziki alokairuko merkatuan, etaetxebizitzaren prezioan...