Zuberoa

Jondane Johaneko dantza

Urte oroz bezala gure mendietan Udaburuko suak piztuko dira, Xiberoan, Baxenafarroan ere eta agian beste zonbaitetan, nork daki, ekainaren 23an, igantea.

Hona udaburu batez piztu (edo piztuko) diren su lekuak: Ahargo Barkoxe, Mandelü Eskiula, Gaztelütxaga Urruxtoi-Larrabile, Gaztelaia Sohüta,Methatia Ozaze, Maidalena Atharratze, Xardeka Gotaine, Zalhagaine Etxebarre, Galharraga Mendikotan, Betzula Larraine, Orgamendi Oztibarre, Artikite Gamarte, Larrun Lapurdum, Canigou katalan, Everest Pagolan, Mehaltzü Nepalen, San Gregori Urdiñarbe, San Antoni Muskildi, Lapitzaga Ainharbe, Autza, Iparla, Jaizkibel, Anboto, Oiz, Aizkorri, Gorbeia...

Urteak jin eta bihikatzen bata bestea(re)n ordari.

Ihautez piztürik sü berria eki begia beilari

Ezker negüa esküin argia

Jauzi aitzina dantzari

Doblez ützüli esküak ützi

Pikaz üngüra süari.

Izarren hautsa zü Amalürra gaudenen bizi emaile

Argizagia eta ekia zure bi haurren sortzale

Ezker negüa…

Goren gorenik gure izarra xuri gorri argizale

Ekia gaü egünen egile zü denboraren jakile

Ezker negüa esküin argia…

Beherapenaren aldia da gora dagon güziari

Üngürü üngürü urtaroak egünak zor dü gaüari

Ezker negüa esküin argia…

Mixel Etxekopar