Festilasai

Abuztuaren 2, 3 eta 4an, Festilasai festibalaren 18. edizioa ospatuko da. Festibal hunek, musika, artea eta skate-a, nahasten ditu. “Lasai herrixka” deitu gunea izanen da, elkar trukatzeko, lasai egoteko, sentsibilizazioa egiteko eta erakusketak egiteko parada eskainiko duena. Egunetan zehar, kontzertuak, skate txapelketak, jateko eta edateko izanen dira. Besteak beste, abuztuaren 2an ostiralarekin Pisoo eta OPH raplari gazte euskaldunak izanen dira. Festibalean parte hartzeko sarrerak festilasai.com webgunean atzeman daitezke, agian ez da berantegi.

3759. zbk

Gure Hitza | 2024/08/01

Bakantza on deneri!

Ainhoa Etchenique

Euskal Herriak urtero turista anitz erakartzen ditu. Aurten ere, gure bideetan kanpotar matrikulak ezker-eskuin ikusten dira. Errexki asma daiteke gure aitzinean turista bat badela, bere bidea atzematen ez duenez edo 80 kilometro ordura mugatua den bide batean 50era joatea irringarriagoa dela atzematen duenez, auto lerro alimaleak sortzen baititu. Erran behar da arrunt kakingarriak direla!

Iazko abuztuan, 3.507.000 bisitari izan ziren Ipar Euskal Herrian. Frantziatik heldu direnen bisitarien %100a hartzean, %10a Parisetik etorri da, %7a Girondatik eta %6a Hauts-de-Seine-tik. Atzerriko bisitarien %100a hartuz, %12a Erresuma Batuetatik etorri da, %15a Alemaniatik eta %29a Espainiatik.

Iazko irailean ere turismoak azkarki segitu du, 1.920.000 bisitari izan baitira. Orotara, 2023. urtean, 16.781.000 bisitari inguru zenbatu dira. Horietan, %80a Frantzia estatutik etorri da.

...

Irakurri segida

PDFa jaitsi