Joan den astean zabaldu dute Azpeitian, Alex Txikonen eta Soraluze familiaren lankidetzatik mendizaletasunari aterpe emateko sortu den Mendietxe museoa. Alex Txikon alpinista profesionalak kudeatzen duen Mendiaren Etxea irabazi asmorik gabeko elkarteak sustatu du museoaren proiektua. Erakustoki honen xedea da mendizaletasunaren historiari buruzko baliabide didaktikoa eta dibulgatzailea publikoaren esku ezartzea.

Mendietxe museoak mundu mailako zenbait alpinisten balentriak biltzen ditu, horien artean daudelarik euskal mendizale handienenak ere. Aurkezpen ekitaldian, Txikonek adierazi du "kontu handiz aukeratutako historia bilduma" osatu dutela. "Mundu mailako bildumarik handienetako bat dugu begien aurrean. Gure interes nagusia da mendiko ondare osoa hona ekartzea, hura kontserbatzea eta hemen biltzen diren historia guztiei irteera bat ematea", gehitu du euskal alpinista ezagunak.

Erakustokia hiru zatitan banatua da. Areto nagusian, bilduma iraunkor bati esker,...

Kronika honetan behin baino gehiagotan aipatu ukan dugu "Arabako Mahastiak" izendapena sortzeko ahaleginetan ari dela ABRA Arabar Errioxako Upategien Elkartea. Izendapen horren sortzearen kontrako helegitea pausatu zuen duela zenbait hilabeteErrioxa jatorri izendapenaren Kontseilu Arautzaileak.

Joan de astean, EAEko Auzitegi Nagusiak helegite hori onartu du. Luis Angel Garrido epailea buru duen Gizarte arloko Salak aurkeztu duen txostenean aipatzen da, bertzeak bertze, kontsumitzaileentzat nahasgarria izan daitekeela bi jatorri izendapenetako arnoak eremu geografiko berean izatea, jakinez arnoen ezaugarri enologiko berak partekatzen dituztela.

Erabakiaren berri emateko egin duen agerraldian, Jose Luis Lapuente Errioxako jatorri izendapenaren Kontseilu Arautzailearen zuzendari nagusia kontent agertu da EAEko justizia Auzitegi Nagusiaren ebazpenarekin. Epaia azaroaren 5ekoa da, horren kontra helegitea aurkezteko ahala izanen da.

Emilio Aguillo ABRAko presidenteak...

Iruñeko udal gobernuak 2025 urterako aurrekontua aurkeztu du. Gobernua EH Bilduk, Geroa Baik eta Zurekin-ek osatzen dute. Alderdi hauek prestatu dute proposamena, eta lau milioi euro atxiki dituzte PSNk egin zuzenketak kontutan hartzeko.

Aurrekontua, orotara 287,6 milioi eurokoa da, aurtengoa baino %7,7z handiagoa. Diru zama horren %40a gastu sozialerako erabiliko da, eta %25a hirian hobekuntzak egiteko.

Ontsalaz, azaroaren 28ko udaleko osoko bilkuran onartuko dute aurrekontu hau.

ELEN (European Language Equality Network) Europako Hizkuntza Berdintasunerako Sareak urteko biltzarra egin du joan den asteburuan, Bilbon. Karia horretara, biltzarrean parte hartu duen Euskalgintzaren Kontseiluak adierazpen bat zabaldu du, erranez hizkuntzaren "atzeraldia" etorriko dela neurri egokirik ez bada hartzen epe laburrean.

Idurre Eskisabel Kontseiluko idazkari nagusiak aurkeztu du adierazpena, ahoan bilorik gabe egin du egoeraren azalpena. Zenbaki absolutuetan hiztun kopurua handitzen ari bada ere, "aurrerapen horren ahultasuna agerian uzten duten gertakariak" aipatu ditu. Adibide gisa, joan den urtean zabaldu zen VII. Inkesta Soziolinguistikoaren zenbait emaitza oroitarazi ditu: Ipar Euskal Herrian hiztun kopurua apalduz doa, Nafarroan hamar ikasletik seik ez du batere harremanik euskararekin bere ikasketa prozesu osoan, Euskal Autonomia Erkidegoko gune euskaldunenetan gibelatzen ari da euskararen erabilera, Euskal Herri osoko joera da euskaraz erdaraz...