"Bestelaka-Métamorphose" eskultura

Régis Pochelu harri zizelkariaren artelana estreinatua izan da irailaren 14an Sanoki gelaren azpikaldean. Keinu ederra da arteari gure herriko ingurumen zoragarriaren erdian. Izen hori atera da aurtengo Errobiko Festibaletik, Festibalaren gai ber bera.

- Zizel lanak oinarrian kuboak ditu: laukiaren lauki, egonkortasunaren adierazle, laukia izanik Lurraren lehen sinboloa.

- Gainaldean kosmosaren esfera edo bola, biziaren absolutoa. Elgarrekin, kuboak eta esferak osotasuna sinbolizatzen dute, sorturik edo sortugaberik bizi dena.

- Behereko oinarritik gainaldeko esfera arteko ibilbidea estalgiaren idurikoa da, Amalurraren geriza adierazten duena.

Sanokiko soropilean kokatzen da eskultura, herriko plazatik bi urratsetara, eta ingurumen menditsuaren aitzinean.

Bilkura publikoa

Bilkura iraganen da urriaren 3an ostegunez (19:00) Sanoki gelan: 8 bizitegi berriren proiektuaren aurkezpena Attanian Panekauko bidean, Larreburuko azpikaldean.