Ezkontza

Buruilaren 14an, gure herrian ezteiak baginituen. Berokiko Maider Haizaguerrek senartzat Gaethan Miozzo hartu du, Gers departamendukoa.

Biek lan egin dute banku lanetan eta hemendik goiti Gaethani bere lana aldatu dakote, Donapaleun ariko da. Maiderrek aldiz aitaren segida hartzen du Berokia etxaldean.

Zeremonia ezin ederragoa bizi izan dugu, zinez denak ongi preparatuak zirelarik.

Oztibarreko koralak parte hartu du eta nundik ez, Oztibarreko koraleko erakaslea izanez Maiderren aita, hor ginituen ere “Elgarrekin” Arberuako korukoak, hok ere xoratzen zituztela denak. Orgiñan Maiderren ama ginuen.

Holako egun batek esperantza pizten du doi bat zeren eta etxaldetan segida ez baita beti segurtatua.

Goresmenak eskaintzen ditugu espos berrier eta desiratzen osagarri eta suerte on.

3764. zbk

Gure Hitza | 2024/09/26

Mito bat erortzen denean...!

Menane Oxandabaratz

Abbé Pierre, 2007an hila, mende erdiz etxerik gabeko pertsonen eta baztertuen defendatzaile nekaezina izan da. Izan giristino edo ez, guziengandik babesa eta miresmena lortu zuen, jendarteko pertsona ospetsuenetako bat izan da.

Baina uda huntan, sortu zituen Emmaüs komunitateak eta Abbé Pierre Fundazioak publikatu ageri baten bidez Elizako gizona gaitzesten dute. Hogei bat emaztek, 1950 eta 2000 urteen artean, apezarengandik sexu indarkeriak eta bortxaketak jasan dituztela salatzen dute.

Memorio kolektiboan Abbé Pierre behartsuen alde borrokatu den apeza bezala gogoratzen bazen, berria jakitean suntsituak gelditzen gira! Pobreen apeza bezala ezagutua, bere pertsonalitatearen beste itxura bat agertzen da.

1949an, Emmaüs komunitatea sortzeko ideia miresgarria ukan zuen, karitate tr...

Irakurri segida

Gurekin harremanetan sar