Alexandre Iputchari azken agurra egin zaio joan den astean, jendea saldoan bildurik elizan. 97 urte beteko zituen abenduan. Azken urteak Baigorriko Larrazkena zahar etxean iragan ditu eta han da pausatu. Gizon zintzoa zen eta maitagarria, osoki. Hiru alaba eta seme baten aita zen. Emaztea galdua zuen duela zenbait urte. Ofizioz pietuna zen, bainan oroz gainetik pilotaren alorrean zuen bere burua ezagutarazi, lehenik pilotari on bezala, eta gero laguntzaile gisa, bereziki Zaharrer Segi batasunaren fagoretan. Ez da kondatzen zenbat eskuukaldi eman dituen ezker eta eskuin, pilotari haur eta gazteen trebatzen, kontseilatzen, garraiatzen... Itzalpeko lana, merezimendu handikoa. Funtsean, duela hilabetetsu bat ohoratua izan zen, bertze batzuren erdian, Zaharrer Segiren mendeburukari. Eta gu oroituko gira berezikiago astekari hunek Arrosako berriketari jarraikia ukan duela urte luzetan. Hemendik doatzila familiakoeri gure atxikimenduzko agurrak.