Urrezko ezteiak

Marguerite%20eta%20Daniel — Marguerite eta Daniel

Joan den larunbat goizean, Urrutiko Daniel eta Margueritek ospatu dituzte beren urrezko ezteiak. Alabainan duela 50 urte, egunez egun, ezkondu ziren Hazparnen, aurtengo aro bertsiarekin. Xipri apezak kudeatu zeremonia ederra, kantu airos batzu emanez eta bururatzean lekukotasun hunkigarria.

Mezatik landa denak gomitatuak ziren Beti Xutik herriko salarat zintzur bustitzerat. Gero familia osoa elgarretaratu da mahai baten inguruan bazkari on batean parte hartuz. Eguna ongi bururatzeko Daniel eta Margueriten iloba zonbaitek muntatu film bati beha egon dira.

Daniel Urrutiko lau haurridetarik bigarrena da eta Marguerite bere familiako haur bakarra.

Geroztik ukan dituzte bi mutiko, Pierre eta Jean eta mementuan lau haur ttipi.

3769. zbk

Gure Hitza | 2024/10/31

Landareen musika

Peio Jorajuria

Landareak ere musikariak ditugu. Hara duela guti zer deskubritu dugun kontzertu batean. Azken urte hauetan askotan aipatzen da zuhaitzek eta oro har edozein landarek halako bibrazio edo uhin berezi batzuk zabaltzen dituztela, berek bizi dutenaren seinale. Hortik, haatik, musika jotzeraino, bada urrats bat beteko ez genuena! Alta, kontzertu horrek bildua zen publikoari frogatu dio landareek, landare guziek, musika jotzen dutela.

Musika horren entzuteko, haatik, baldintza bereziak behar dira. Delako kontzertuan, bi artista bagenituen Ariègetik etorriak, bata harpe-jolea, bestea krontrabaxu-jolea. Landare andana batez inguratuak ziren, iratze, fuchsia eta beste, hemengo eta urrunagokoak. Landareari bi kaptatzaile berezi lotzen zizkioten, bat erroetan, bertzea hosto batean, eta bertze puntan bi kaptatzaile horiek kutxa ttiki bati lotuak ziren. Kutxak kaptatz...

Irakurri segida

Gurekin harremanetan sar