Herriz Herri - Itsasu (L) | 2024ko Urriaren 31a

Arimen gaua - Kontzertua - Ganer hustea

Arimen%20gaua%20-%20Kontzertua%20-%20Ganer%20hustea

Arimen gaua

Ospakizun hau sartu da gure egutegian azken urte hauetan. Aurten iraganen da urriaren 31n ostegunez. Huna egitaraua:

- (10:00) Atharrinkuienapainketa tailerra.

- (17:30) desfilea plazatik Atharrirat,Itsasuko 3 eskoletako haurrek bertsu, kantu eta dantzak emanen dituzte.

- (19:30) Atharrin aperitifa partekatua: bakotxak bai jatekoa eta bai edatekoa ekartzen ditu eta denen artean partekatuak izanen dira gau goxo bat pasatzeko.

Euria balitz dena Atharrin eginen litzateke.

Kontzertua

Kontzertu ederra eskainia zauku azaroaren lehenean ostiralez elizan (19:00), Atxik Mathieu elkarteak antolaturik. Hor entzuten eta ikusten ahalko dira Bestela Passione korsikar taldea, eta Haurrock.

Izanen da tokian berean talo eta edari. Sartzea 12€.

Ganer hustea

"Les Vieux Machins" elkarteak antolatzen du ganer edo selauru huste hau azaroaren 10ean igandez, Atharri ezkerparetan.

Landareen musika

Peio Jorajuria

Landareak ere musikariak ditugu. Hara duela guti zer deskubritu dugun kontzertu batean. Azken urte hauetan askotan aipatzen da zuhaitzek eta oro har edozein landarek halako bibrazio edo uhin berezi batzuk zabaltzen dituztela, berek bizi dutenaren seinale. Hortik, haatik, musika jotzeraino, bada urrats bat beteko ez genuena! Alta, kontzertu horrek bildua zen publikoari frogatu dio landareek, landare guziek, musika jotzen dutela.

Musika horren entzuteko, haatik, baldintza bereziak behar dira. Delako kontzertuan, bi artista bagenituen Ariègetik etorriak, bata harpe-jolea, bestea krontrabaxu-jolea. Landare andana batez inguratuak ziren, iratze, fuchsia eta beste, hemengo eta urrunagokoak. Landareari bi kaptatzaile berezi lotzen zizkioten, bat erroetan, bertzea hosto batean, eta bertze puntan bi kaptatzaile horiek kutxa ttiki bati lotuak ziren. Kutxak kaptatz...

Irakurri segida

Gurekin harremanetan sar